ຂ່າວສານ

ທ່ານປະທານາທິບໍດີ D.Trump ຢືນຢັນຈະອອກຈາກທຳນຽບຂາວຖ້າຫາກຄະນະຕາງໜ້າຜູ້ມີສິດເລືອກຕັ້ງເລືອກທ່ານ Biden

28/11/2020

ເຖິງຢ່າງໃດກໍ່ຕາມ, ທ່ານ D.Trump ຍັງຢ້ຳຄືນຄຳກ່າວຫາມີການສໍ້ໂກງໃນການເລືອກຕັ້ງ

ທ່ານປະທານາທິບໍດີອາເມລິກາ Donald Trump
(ພາບ: APF/TTXVN)

ວັນທີ 26 ພະຈິກ, ກ່າວຄຳເຫັນຕໍ່ວົງການນັກຂ່າວໃນໂອກາດວັນບຸນສົມມະນາຄຸນ, ທ່ານປະທານາທິບໍດີອາເມລິກາ Donald Trump ຢືນຢັນວ່າ, ທ່ານຈະອອກຈາກທຳນຽບຂາວຖ້າຫາກຄະນະຕາງໜ້າມີສິດເລືອກຕັ້ງຢັ້ງຢືນວ່າທ່ານ Joe Biden ໄດ້ຮັບໄຊຊະນະໃນການເລືອກຕັ້ງປະທານາທິບໍດີຜ່ານມາ. ເຖິງຢ່າງໃດກໍ່ຕາມ, ທ່ານ D.Trump ຍັງຢ້ຳຄືນຄຳກ່າວຫາມີການສໍ້ໂກງໃນການເລືອກຕັ້ງ ແລະ ເນັ້ນໜັກວ່າ, ທ່ານຍາກທີ່ຈະຍອມຮັບການຖືກປະລາໄຊໃນສະພາບຄືໃນປະຈຸບັນ, ພ້ອມທັງປະຕິເສດໂດຍໃຫ້ຮູ້ວ່າ ທ່ານຈະເຂົ້າຮ່ວມພິທີສາບານຕົວຮັບດຳລົງຕຳແໜ່ງຂອງທ່ານ Joe Biden ຫຼື ບໍ່.

ມາຮອດປະຈຸບັນ, ທ່ານ Donald Trump ຍັງບໍ່ທັນຍອມຮັບການປະລາໄຊ ຍ້ອນໄດ້ຖືວ່າ ມີການສໍ້ໂກງບັດເລືອກຕັ້ງ, ເຖິງວ່າ ໃນອາທິດກ່ອນທ່ານໄດ້ເຫັນດີມອບສິດອຳນາດໃຫ້ແກ່ທ່ານ Joe Biden ໄດ້ເລີ່ມປະຕິບັດຢ່າງເປັນທາງການ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.