ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ການຕ້ອນຮັບ
ຄະນະການນຳ, ອະດີດການນຳແຂວງກວາງຫງາຍ
ຕອນບ່າຍວັນທີ 21/2, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ການຕ້ອນຮັບຄະນະການນຳ, ອະດີດການນຳແຂວງກວາງຫງາຍ. ນະທີ່ນີ້, ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ: ການນຳ, ປະຊາຊົນແຂວງ ກວາງຫງາຍ ຕ້ອງມານະພະຍາຍາມບືນຕົວຂຶ້ນ, ຜ່ານຜ່າຄວາມຫຍຸ້ງຍາກ, ເພື່ອໃຫ້ແຂວງພັດທະນາຢ່າງໄວ ແລະ ໝັ້ນຄົງ. ທ່ານຍັງສະແດງຄວາມຫວັງວ່າ, ບັນດາການນຳ, ອະດີດການນຳແຂວງ ກວາງຫງາຍ, ສືບຕໍ່ມີການປະກອບສ່ວນໃຫ້ທ້ອງຖີ່ນ, ປະເທດຊາດຫຼາຍກວ່າອີກ; ພ້ອມທັງສະໜັບສະໜູນ, ໃຫ້ຄຳປຶກສາ, ເປັນບ່ອນອີງຢ່າງໝັ້ນຄົງໃຫ້ລຸ້ນຫຼັງ. ທ່ານນາຍົກລັດຖະມົນຕີ ຫງວຽນຊວນຟຸກ ຮຽກຮ້ອງແຂວງ ກວາງຫງາຍ ຕ້ອງມີກົນໄກນະໂຍບາຍດຶງດູດວິສາຫະກິດຫຼາຍແຫ່ງລົງທຶນ, ດຳເນີນທຸລະກິດຢູ່ ກວາງຫງາຍ; ດຶງດູດຜູ້ມີຄວາມເກັ່ງກ້າສາມາດເຂົ້າມາເຮັດວຽກຢູ່ໃນແຂວງ; ຍູ້ແຮງການປະຕິຮູບດ້ານການບໍລິຫານ, ສ້າງຄວາມສະດວກໃຫ້ປະຊາຊົນ ແລະ ວິສາຫະກິດ.
(ແຫຼ່ງຄັດຈາກ VOV)
