ຂ່າວສານ

ທ່ານນາງປະທານສະພາແຫ່ງຊາດຢ້ຽມຢາມກອງບັນຊາການທະຫານປ້ອງກັນຊາຍແດນ

04/03/2017

ຕອນບ່າຍວັນທີ 3/3, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ລົງຢ້ຽມຢາມ ແລະ ອວຍພອນກອງບັນຊາການທະຫານປ້ອງກັນຊາຍແດນ ເນື່ອງໃນໂອກາດສະເຫຼີມສະຫຼອງ 28 ປີ ແຫ່ງວັນທົ່ວປວງຊົນປ້ອງກັນຊາຍແດນ (3/3/1989-3/3/2017) ແລະ 58 ປີແຫ່ງວັນມູນເຊື້ອຂອງກຳລັງປ້ອງກັນຊາຍແດນ ຫວຽດນາມ (3/3/1959-3/3/2017). ນະທີ່ນີ້ ທ່ານນາງປະທານສະພາແຫ່ງຊາດ ຫງວຽນທິກິມເງິນ ເນັ້ນໜັກວ່າ, ພັກ, ລັດ ແລະ ປະຊາຊົນ ໄດ້ມອບໜ້າທີ່ໃຫ້ທະຫານປ້ອງກັນຊາຍແດນຄຸ້ມຄອງ, ປົກປັກຮັກສາອະທິປະໄຕຜືນແຜ່ນດິນ, ຮັບປະກັນຄວາມປອດໄພຢູ່ເຂດຊາຍແດນທາງບົກ ແລະ ທາງທະເລ. ໃນໄລຍະຜ່ານມາທະຫານປ້ອງກັນຊາຍແດນໄດ້ປະຕິບັດໜ້າທີ່ນີ້ດີທີ່ສຸດ. ທະຫານປ້ອງກັນຊາຍແດນ ໄດ້ຕາງໜ້າພັກ, ລັດ ແລະ ປະຊາຊົນປະຕິບັດໜ້າທີ່ການຕ່າງປະເທດປະຊາຊົນ ແລະ ການຕ່າງປະເທດລະຫວ່າງກຳລັງປ້ອງກັນຊາຍແດນ ຫວຽດນາມ ກັບບັນດາປະເທດເພື່ອນມິດທີ່ມີເສັ້ນຊາຍແດນດຽວກັນກັບ ຫວຽດນາມ ກໍ່ຄືປະຕິບັດແຜນນະໂຍບາຍ, ນະໂຍບາຍການຕ່າງປະເທດຂອງພັກ ແລະ ລັດຢ່າງຖືກຕ້ອງ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ເຫັນວ່າຢູ່ບ່ອນໃດມີທະຫານປ້ອງກັນຊາຍແດນ, ຊີວິດການເປັນຢູ່ຂອງປະຊາຊົນຢູ່ບ່ອນນັ້ນກໍ່ດີກວ່າ, ປະຊາຊົນມີຄວາມເຊື່ອໝັ້ນທະຫານປ້ອງກັນຊາຍແດນ. ທະຫານປ້ອງກັນຊາຍແດນໄດ້ໂຄສະນາ, ເຜີຍແຜ່ບັນດາແຜນນະໂຍບາຍ, ນະໂຍບາຍຂອງພັກ ແລະ ລັດເຖິງໝູ່ປະຊາຊົນຢ່າງຄົບຖ້ວນ.

(ແຫຼ່ງຄັດຈາກ VOV)

ສະຫາຍ ທອງລຸນ ສີສຸລິດ ໄດ້ຮັບການເລືອກຕັ້ງເປັນ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ຄືນໃໝ່

09/01/2026
ຂ່າວສານ

ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ ໄດ້ອັດລົງດ້ວຍຜົນສຳເລັດອັນຈົບງາມ, ສະຫາຍ ທອງລຸນ ສີສຸລິດ ໄດ້ຮັບຄວາມໄວ້ວາງໃຈໃຫ້ດຳລົງຕຳແໜ່ງເປັນ ເລຂາທິການໃຫຍ່ ຄະນະບໍລິຫານງານສູນກາງພັກ ຕໍ່ອີກໜຶ່ງສະໄໝ (2026-2030).