ຂ່າວສານ

ທ່ານ ຟ້າມມິງຈິ໊ງ ໄດ້ຮັບການສະເໜີເພື່ອໃຫ້ສະພາແຫ່ງຊາດ ເລືອກຕັ້ງເປັນນາຍົກລັດຖະມົນຕີ ອາຍຸການ 2021 – 2026

27/07/2021

ໃນຂອບເຂດກອງປະຊຸມຄັ້ງປະຖົມມະລຶກ, ສະພາແຫ່ງຊາດຊຸດທີ XV, ຕອນເຊົ້າວັນທີ 26 ກໍລະກົດ, ທ່ານປະທານປະເທດຫວຽດນາມ ຫວຽນຊວັນຟຸກ ໄດ້ຍື່ນໃບສະເໜີຕໍ່ສະພາແຫ່ງຊາດ ກ່ຽວກັບແຜນບຸກຄະລາກອນເພື່ອໃຫ້ສະພາແຫ່ງຊາດເລືອກຕັ້ງນາຍົກລັດຖະມົນຕີ ອາຍຸການ 2021 – 2026.

ທ່ານ ຟ້າມມິງຈິງ (ພາບ: vov.vn)

ບຸກຄະລາກອນທີ່ໄດ້ຮັບການສະເໜີໃຫ້ສະພາແຫ່ງຊາດເລືອກຕັ້ງເປັນນາຍົກລັດຖະມົນຕີ ແມ່ນທ່ານ ກຳມະການກົມການເມືອງ, ນາຍົກລັດຖະມົນຕີ ຟ້າມມິງຈິງ.

ຫຼັງຈາກນັ້ນ, ສະພາແຫ່ງຊາດໄດ້ປຶກສາຫາລືຢູ່ຕາມຄະນະ. ກ່ຽວກັບແຜນບຸກຄະລາກອນເພື່ອເລືອກຕັ້ງນາຍົກລັດຖະມົນຕີ. ຕອນບ່າຍວັນທີ 26 ກໍລະກົດ, ສະພາແຫ່ງຊາດ ຮັບຟັງບົດລາຍງານໝາກຜົນການປຶກສາຫາຫາລືຢູ່ຕາມຄະນະ; ບົດລາຍງານອະພິປາຍ, ຮັບເອົາຄຳເຫັນຂອງສະມາຊິກສະພາແຫ່ງຊາດ ກ່ຽວກັບແຜນບຸກຄະລາກອນສຳລັບຕຳແໜ່ງນາຍົກລັດຖະມົນຕີ. ສະພາແຫ່ງຊາດ ຈະເລືອກຕັ້ງນາຍົກລັດຖະມົນຕີ ດ້ວຍຮູບແບບປ່ອນບັດລັບ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.