ກອງປະຊຸມຄັ້ງທີ 36 ຂອງຄະນະປະຈຳສະພາແຫ່ງຊາດ (ພາບ: VGP) 

ຮ່າງມະຕິອະທິບາຍບາງມາດຕາຂອງກົດໝາຍວ່າດ້ວຍການ ວາງແຜນຜັງລວມມີ 2 ມາດຕາ, ໃນນັ້ນ: ມີ 1 ມາດຕາອະທິບາຍບາງຂໍ້ກຳນົດຂອງກົດໝາຍວ່າດ້ວຍການວາງແຜນຜັງ, 1 ມາດຕາ ກ່ຽວກັບຜົນສັກສິດຂອງການປະຕິບັດມະຕິ. ທີ່ກອງປະຊຸມ, ໂດຍເຫັນດີເຫັນພ້ອມກັບຄວາມຈຳເປັນຂອງການປະກາດໃຊ້ມະຕິ, ເຖິງຢ່າງໃດກໍ່ຕາມ, ທ່ານ ຫວຸຮົ່ງແທງ ຫົວໜ້າກຳມາທິການເສດຖະກິດຂອງສະພາແຫ່ງຊາດຖືວ່າ: ເລື່ອງອະທິບາຍກົດໝາຍຕ້ອງໄດ້ປະຕິບັດຢ່າງຖືກຕ້ອງຕາມຫຼັກການ ແລະ ສິດອຳນາດ ການຕັດສິນ. ລັດຖະບານຕ້ອງລາຍງານຕໍ່ສະພາແຫ່ງຊາດເພື່ອພິຈາລະນາ, ປະກາດໃຊ້ມະຕິພິເສດ, ສະເພາະອະນຸຍາດໃຫ້ປັບປຸງບັນດາການວາງແຜນຜັງທີ່ໄດ້ລວບລວມຈາກບາງຂະແໜງ, ຂົງເຂດຢ່າງລະອຽດໃນໄລຍະແຕ່ນີ້ຮອດໝົດປີ 2020 ແລະ ຕ້ອງຮັບປະກັນຄວາມເປັນເອກະພາບ, ບໍ່ຂັດແຍ້ງກັບກົດໝາຍວ່າດ້ວຍການວາງແຜນຜັງ. ກ່ຽວກັບບັນຫານີ້, ທ່ານນາງ ຫງວຽນທິກິມເງິນ ປະທານສະພາແຫ່ງຊາດໃຫ້ຮູ້ວ່າ:

        ໃນວິວັດການປະຕິບັດບັນດາການວາງແຜນຜັງທີ່ໄດ້ເຊັ່ນອະນຸມັດ ກ່ອນທີ່ກົດໝາຍວ່າດ້ວຍການວາງແຜນຜັງສະບັບໃໝ່ທີ່ມີຜົນສັກສິດ. ຕາມກົດໝາຍວ່າດ້ວຍການວາງແຜນຜັງໃໝ່ຕ້ອງລວບລວມເຂົ້າການວາງແຜນຜັງປະເທດ, ເຂດ, ແຂວງ. ແຕ່ການວາງແຜນຜັງປະເທດ, ເຂດ, ແຂວງຍັງບໍ່ທັນໄດ້ເຊັນອະນຸມັດທີ່ລັດຖະບານໄດ້ຊີ້ນຳປັບປຸງເນື້ອໃນຂອງບັນດາການວາງແຜນເກົ່າ, ຕາມກົດໝາຍສະບັບເກົ່າ.

(ແຫຼ່ງຄັດຈາກ VOV)