ທີ່ການພົບປະ, ທ່ານເລຂາທິການໃຫຍ່, ປະທານປະເທດ ໂຕເລີມ ໄດ້ສະເໜີໃຫ້ສອງຝ່າຍຄວນຊຸກຍູ້ການລົງທຶນສອງສົ້ນຕາມທິດດຸ່ນດຽງໃຫ້ແຂງແຮງກວ່າອີກ. ພາຍຫຼັງຜົນສຳເລັດຂອງກຸ່ມບໍລິສັດ TH, ຫວຽດນາມ ໄດ້ສົ່ງເສີມບັນດາວິສາຫະກິດລົງທຶນເຂົ້າຂົງເຂດກະສິກຳຢູ່ ລັດເຊຍ ແລະ ສົ່ງເສີມບັນດາວິສາຫະກິດ ລັດເຊຍ ລົງທຶນເຂົ້າຂົງເຂດອຸດສາຫະກຳຢູ່ ຫວຽດນາມ.
ທ່ານເລຂາທິການໃຫຍ່, ປະທານປະເທດ ໂຕເລີມ ເຫັນດີເປັນເອກະພາບສອງຝ່າຍຄວນເຊື່ອມຕໍ່ຍຸດທະສາດໃໝ່ຜ່ານການຮ່ວມມືໃນຂົງເຂດຄົມມະນາຄົມຂົນສົ່ງ, ພິເສດແມ່ນທາງລົດໄຟ, ທາງທະເລ ແລະ ການບິນ. ເພື່ອຍົກສູງປະສິດທິຜົນການຮ່ວມມືເສດຖະກິດ, ການຄ້າ, ທ່ານເລຂາທິການໃຫຍ່, ປະທານປະເທດ ໂຕເລີມ ສະເໜີໃຫ້ລັດຖະບານ ລັດເຊຍ ຊີ້ນຳບັນດາກະຊວງ, ຂະແໜງການທີ່ກ່ຽວຂ້ອງສືບຕໍ່ກວດກາຄືນ, ແກ້ໄຂບັນດາຄວາມຫຍຸ້ງຍາກ, ສິ່ງຄົງຄ້າງໃນການຮ່ວມມືເສດຖະກິດ - ການຄ້າ ແລະ ການລົງທຶນ; ມີບັນດາມາດຕະການເໝາະສົມຕໍ່ກັບບັນດາບັນຫາພາສີອາກອນ, ໂກຕາ, ການຂົນສົ່ງ ແລະ ການເຂົ້າເຖິງຕະຫຼາດ, ເພີ່ມທະວີການມີໜ້າດ້ານການຄ້າຂອງ ຫວຽດນາມ ຢູ່ ລັດເຊຍ. ການຊີ້ແຈ້ງວ່າ ຫວຽດນາມ ແມ່ນປະເທດທຳອິດໃນໂລກໄດ້ເຊັນສັນຍາການຄ້າເສລີ ກັບ ສະຫະພັນເສດຖະກິດ ອາຊີ - ເອີລົບ (EAEU) ເຊິ່ງ ລັດເຊຍ ແມ່ນສະມາຊິກ, ທ່ານເລຂາທິການໃຫຍ່, ປະທານປະເທດ ໂຕເລີມ ກໍ່ສະເໜີໃຫ້ ລັດເຊຍ ມີສຽງເວົ້າຊຸກຍູ້ໃຫ້ບັນດາປະເທດ EAEU ເປີດປະຕູຕະຫຼາດ, ແກ້ໄຂບັນດາຮົ້ວກີດຂວາງດ້ານການຄ້າ, ຍົກເລີກກົນໄກປ້ອງກັນການຄ້າມາດຖານກຳນົດສຳລັບສິນຄ້າ ຫວຽດນາມ.
ສ່ວນທ່ານນາຍົກລັດຖະມົນຕີ ລັດເຊຍ Mikhail Mishustin ຖືວ່າ: ສອງຝ່າຍຄວນຄົ້ນຄ້ວາບັນດາມາດຕະການເພື່ອແນໃສ່ຍົກສູງປະສິດທິຜົນການຂົນສົ່ງທາງທະເລ, ທາງລົດໄຟ ແລະ ຂົນສົ່ງດ້ວຍຫຼາຍຮູບແບບອື່ນ, ຜ່ານນັ້ນ ກໍສ້າງລະບົບການສະໜອງທີ່ເປັນປົກກະຕິ, ສ້າງຄວາມສະດວກໃຫ້ແກ່ການແລກປ່ຽນສິນຄ້າລະຫວ່າງສອງປະເທດ.
ແລະກໍ່ໃນຕອນບ່າຍວັນທີ 8 ກັນຍາ (ຕາມເວລາທ້ອງຖ່ິນ), ທີ່ສຳນັກງານສະພາ ສະຫະພັນລັດເຊຍ, ທ່ານເລຂາທິການໃຫຍ່, ປະທານປະເທດ ໂຕເລີມ ກໍໄດ້ພົບປະກັບ ທ່ານນາງ Valentina Matvienko ປະທານສະພາ ສະຫະພັນລັດເຊຍ. ທ່ານເລຂາທິການໃຫຍ່, ປະທານປະເທດ ຫວຽດນາມ ສະເໜີໃຫ້ສອງຝ່າຍສືບຕໍ່ເພີ່ມທະວີການແລກປ່ຽນຄະນະຜູ້ແທນການນຳສະພາແຫ່ງຊາດ, ບັນດາກຳມາທິການສະເພາະກິດ, ກຸ່ມບັນດາສະມາຊິກລັດຖະສະພາມິດຕະພາບ, ແບ່ງປັນບົດຮຽນດ້ານນິຕິບັນຍັດ, ຕິດຕາມກວດກາ ແລະ ຕັດສິນບັນດາບັນຫາສຳຄັນຂອງປະເທດຊາດ.
ສ່ວນທ່ານນາງ ປະທານສະພາ ສະຫະພັນລັດເຊຍ Valentina Matvienko ຢັ້ງຢືນວ່າ: ສະພາສະຫະພັນ ກຽມພ້ອມສົມທົບກັນຢ່າງແໜ້ນແຟ້ນກັບສະພາແຫ່ງຊາດ ຫວຽດນາມ, ປະກອບສ່ວນຕັ້ງໜ້າເຂົ້າໃນການຜັນຂະຫຍາຍບັນດາການກຳນົດທິດ ແລະ ຂໍ້ຕົກລົງລະຫວ່າງການນຳຂັ້ນສູງສອງປະເທດ.
ກ່ອນໜ້ານັ້ນ, ທີ່ການພົບກັບ ທ່ານ Dmitry Medvedev, ປະທານພັກ ປະເທດລັດເຊຍ ເອກະພາບ, ຮອງປະທານສະພາ ຄວາມໝັ້ນຄົງ ສະຫະພັນລັດເຊຍ, ທ່ານເລຂາທິການໃຫຍ່, ປະທານປະເທດ ໂຕເລີມ ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດຮອບດ້ານກັບ ລັດເຊຍ, ຖືນີ້ແມ່ນໜຶ່ງໃນບັນດາບຸລິມະສິດແຖວໜ້າໃນການຜັນຂະຫຍາຍແນວທາງການພົວພັນຕ່າງປະເທດເອກະລາດ, ເປັນເຈົ້າຕົນເອງ, ຫັນເປັນຫຼາຍຝ່າຍ, ຫຼາຍຮູບຫຼາຍແບບ; ທ່ານປາດຖະໜາຈະພ້ອມກັບ ລັດເຊຍ ສືບຕໍ່ນຳການພົວພັນສອງປະເທດໃຫ້ພັດທະນານັບມື້ນັບແທດຈິງ, ມີປະສິດທິຜົນ ແລະ ຍືນຍົງ.
