ພາຍຫຼັງເຮັດວຽກມາເປັນເວລາ 3 ວັນ, ຕອນບ່າຍວັນທີ 21 ທັນວາ, ຄະນະປະຈໍາສະພາແຫ່ງຊາດ ໄດ້ປະຕິບັດສຳເລັດລາຍການດຳເນີນຂອງວາລະປະຊຸມເທື່ອທີ 6. ກ່າວຄຳເຫັນອັດວາລະປະຊຸມ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ຊີ້ແຈ້ງວ່າ ຄະນະປະຈຳສະພາແຫ່ງຊາດໄດ້ພິຈາລະນາ, ເຫັນດີຕໍ່ 3 ເນື້ອໃນພື້ນຖານທີ່ຈະຍືນສະເໜີຕໍ່ສະພາແຫ່ງຊາດຢູ່ທີ່ກອງປະຊຸມວິສາມັນ ເຊິ່ງຄາດວ່າຈະຈັດຂຶ້ນໃນຕົ້ນເດືອນມັງກອນ ປີ 2022.
3 ເນື້ອໃນນັ້ນ ມີດັ່ງນີ້: ຮ່າງກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງ ກົດໝາຍ 8 ສະບັບ; ຮ່າງມະຕິວ່າດ້ວຍການທົດລອງບາງກົນໄກ, ນະໂຍບາຍສະເພາະໃນການພັດທະນານະຄອນເກີ່ນເທີ ແລະ ແຜນນະໂຍບາຍລົງທຶນໂຄງການກໍ່ສ້າງເສັ້ນທາງດ່ວນ ເໜືອ - ໃຕ້ທາງທິດຕາເວັນອອກ ໄລຍະ 2021 – 2025.ກ່ອນທີ່ຈະອັດກອງປະຊຸມ, ຄະນະປະຈຳສະພາແຫ່ງຊາດໄດ້ປະກອບຄຳເຫັນໃສ່ໂຄງການປະຕິບັດງານປີ 2022; ໂຄງການເຄື່ອນໄຫວພົວພັນຕ່າງປະເທດປີ 2022 ຂອງຄະນະປະຈຳສະພາແຫ່ງຊາດ.
(ແຫຼ່ງຄັດຈາກ VOV)
