ຂ່າວສານ

ຄວາມສ່ຽງອຸນຫະພຸມຂອງໜ່ວຍໂລກອາດຈະລື່ນກາຍລະດັບຈຳກັດເພີ່ມ 1,5 ອົງສາ C ຕາມຄຳໝັ້ນສັນຍາ ແລະ ນະໂຍບາຍດິນຟ້າອາກາດໃນປັດຈຸບັນ

08/12/2022

ຕາມການຕີລາຄາຂອງ Paris Equity Check ທີ່ໄດ້ປະກາດໃນວັນທີ 06 ທັນວາ, ບັນດານະໂຍບາຍກ່ຽວກັບດິນຟ້າອາກາດຂອງປະເທດຮັ່ງມີ ແລະ ຫຼາຍພື້ນຖານເສດຖະກິດທີ່ຫາກໍພົ້ນເດັ່ນ ສ່ວນຫຼາຍໄດ້ປ່ອຍອາຍພິດຫຼາຍຂຶ້ນ ອາດຈະເຮັດໃຫ້ອຸນຫະພູມທົ່ວໂລກລື່ນກາຍລະດັບຈຳກັດເພີ່ມ 1,5 ອົງສາ C.

ໂຮງງານແຫ່ງຕ່າງໆພວມສົ່ງຜົນກະທົບຢ່າງໜັກໜ່ວງຕໍ່ການປ່ຽນແປງຂອງດິນຟ້າອາກາດ (ພາບ: TTXVN)

ບັນດານະໂຍບາຍກ່ຽວກັບດິນຟ້າອາກາດເຊິ່ງບັນດາປະເທດຮັ່ງມີຄື ອາເມລິກາ, ການາດາ ແລະ ສະຫະພາບເອີຣົບ (ອີຢູ) ພວມປະຕິບັດ ອາດຈະເຮັດໃຫ້ອຸນຫະພຸມໜ່ວຍໂລກເພີ່ມຂຶ້ນແຕ່ 2,1 ອົງສາ C ຫາ 3,4 ອົງສາ C. ບວກກັບບັນດານະໂນບາຍກ່ຽວກັບດິນຟ້າອາກາດຂອງບັນດາພື້ນຖານເສດຖະກິດທີ່ຫາກໍພົ້ນເດັ່ນຂຶ້ນລວມມີ ຈີນ, ລັດເຊຍ, ອາຣັບບີ ຊະອຸດິ ແລະ ຕວັກກີ, ຜົນຕາມມາຈະໜັກໜ່ວງກວ່າ - ເຊິ່ງໄດ້ໝາຍເຖິງລະດັບອຸນຫະພູມຈະເພີ່ມຂຶ້ນ 5 ອົງສາ C ໃນທ້າຍສະຕະວັດນີ້.

ມາຮອດປັດຈຸບັນ ອຸນຫະພູມຂອງໜ່ວຍໂລກ ໄດ້ເພີ່ມຂຶ້ນ 1,2 ອົງສາ C, ເຊິ່ງສົ່ງຜົນກະທົບບໍ່ດີຫຼາຍຢ່າງ, ນັບແຕ່ແດດຮ້ອນເອົ້າ, ໄພແຫ້ງແລ້ງ ຕະຫຼອດຮອດໄພນ້ຳຖ້ວມ ແລະ ພະຍຸເຂດຮ້ອນລູກຕ່າງໆທີ່ມີກຳລັງທຳລາຍຢ່າງຮ້າຍແຮງກວ່າ ຍ້ອນເກີດປະກົດການນ້ຳທະເລຍືງສູງຂຶ້ນ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.