ຂ່າວສານ

ຂະແໜງແຮງງານຮັບກາລະໂອກາດ ແລະ ສິ່ງທ້າທາຍຈາກສັນຍາ CPTPP

14/11/2018

ຫຼັງຈາກນັ້ນໜຶ່ງວັນ, ຕອນເຊົ້າວັນທີ 13 ພະຈິກ, ຢູ່ຮ່າໂນ້ຍ, ກະຊວງແຮງງານ - ທະຫານເສຍອົງຄະ ແລະ ສັງຄົມ ໄດ້ຈັດຕັ້ງການໂອ້ລົມສົນທະນາກ່ຽວກັບຄຳໝັ້ນສັນຍາກ່ຽວກັບແຮງງານໃນສັນຍາ CPTPP ກັບບັນດາອົງການສື່ມວນຊົນ, ສື່ສານ.

ພາບປະກອບ

ສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມ ປາຊີຟິກ (CPTPP) ໂດຍສະພາແຫ່ງຊາດ ຫວຽດນາມ ຊຸດທີ 14 ຮັບຮອງເອົາເມື່ອວັນທີ 12 ພະຈິກ. ຫຼັງຈາກນັ້ນໜຶ່ງວັນ, ຕອນເຊົ້າວັນທີ 13 ພະຈິກ, ຢູ່ຮ່າໂນ້ຍ, ກະຊວງແຮງງານ - ທະຫານເສຍອົງຄະ ແລະ ສັງຄົມ ໄດ້ຈັດຕັ້ງການໂອ້ລົມສົນທະນາກ່ຽວກັບຄຳໝັ້ນສັນຍາກ່ຽວກັບແຮງງານໃນສັນຍາ CPTPP ກັບບັນດາອົງການສື່ມວນຊົນ, ສື່ສານ.

ທີ່ການໂອ້ລົມສົນທະນາ, ບັນດາຜູ້ແທນໄດ້ຍົກອອກຫຼາຍເນື້ອໃນເຮັດແຈ້ງບັນດາສິ່ງທ້າທາຍກໍ່ຄືກາລະໂອກາດຈາກ CPTPP ແລະ ບັນດາສັນຍາການຄ້າເສລີອື່ນໆ. ຕາມນັ້ນແລ້ວ, ພາກ ແຮງງານຂອງ CPTPP ໄດ້ຊີ້ແຈ້ງຄຳໝັ້ນສັນຍາລວມຂອງບັນດາສະມາຊິກໃນສັນຍາ ແລະ ຄຳໝັ້ນສັນຍາສະເພາະຂອງ ຫວຽດນາມ. ສຳລັບຄຳໝັ້ນສັນຍາສະເພາະຂອງ ຫວຽດນາມ ກ່ຽວກັບແຮງງານໃນ CPTPP, ຫວຽດນາມ ໃຫ້ຄຳໝັ້ນສັນຍາປະຕິບັດບັນດາພາລະໜ້າທີ່ຄົບຖ້ວນຄືຄຳໝັ້ນສັນຍາລວມນັບແຕ່ CPTPP ມີຜົນສັກສິດຕໍ່ ຫວຽດນາມ. ຫວຽດນາມ ຈະປັບປຸງກົດໝາຍວ່າດ້ວຍແຮງງານໃນປະຈຸບັນ ເພື່ອເໝາະສົມກັບວິວັດການ ຫວຽດນາມ ເຂົ້າຮ່ວມສັນຍາ CPTPP ໂດຍໄວ.

(ແຫຼ່ງຄັດຈາກ VOV)

ລາວ ຈັດພິທີໂຮມຊຸມນຸມມິດຕິງ ສະເຫຼີມສະຫຼອງວັນໄຊຊະນະ ດ້ຽນບຽນຝູ ຄົບຮອບ 70 ປີ

07/05/2024
ຂ່າວສານ

ຕອນເຊົ້າວັນທີ 07 ພຶດສະພາ, ຢູ່ຫໍປະຊຸມແຫ່ງຊາດ, ທີ່ນະຄອນຫຼວງ ວຽງຈັນ ໄດ້ດຳເນີນພິທີໂຮມຊຸມນຸມມິດຕິງລະດັບຊາດ ເນື່ອງໃນໂອກາດສະເຫຼີມສະຫຼອງວັນໄຊຊະນະປະຫວັດສາດ ດ້ຽນບຽນຝູ ຄົບຮອບ 70ປີ (07 ພຶດສະພາ 1954 - ວັນທີ 7 ພຶດສະພາ 2024). ເຂົ້າຮ່ວມພິທີ, ມີທ່ານນາງ ປານີ ຢາທໍ່ຕູ້ ຮອງປະທານປະເທດ; ທ່ານ ສອນໄຊ ສີພັນດອນ ນາຍົກລັດຖະມົນຕີ ລາວ; ການນຳ, ອະດີດການນຳພັກ, ລັດລາວ; ກຳລັງປະກອບອາວຸດ ພ້ອມດ້ວຍປະຊາຊົນລາວບັນດາເຜົ່າໄດ້ເຂົ້າຮ່ວມເປັນຈຳນວນຫຼາຍ.