ຂ່າວສານ

ກຳປູເຈຍ, ລາວ, ຫວຽດນາມຮັບຮອງເອົາແຜນການພັດທະນາການທ່ອງທ່ຽວລວມ

11/12/2020

ວັນທີ 9 ທັນວາ, ບັນດາການນຳກຳປູເຈຍ, ລາວ, ຫວຽດນາມ (CLV) ໄດ້ຮັບຮອງເອົາແຜນການພັດທະນາການທ່ອງທ່ຽວ ຂອງເຂດສາມລຽມ ພັດທະນາ CLV ໄລຍະ 2020 – 2025, ວິໄສທັດ ຮອດປີ 2030 ຢູ່ກອງປະຊຸມສຸດຍອດ CLV ຄັ້ງທີ 11 ໂດຍໄດ້ດຳເນີນຕາມຮູບການທາງອອນລາຍ.

ກອງປະຊຸມສຸດຍອດ CLV ຄັ້ງທີ 11 (ພາບ: TTXVN)

ແຜນການນີ້ແມ່ນເອກະສານຍຸດທະສາດຂອງເຂດ ທີ່ກ່ຽວຂ້ອງເຖິງການພັດທະນາການທ່ອງທ່ຽວຢູ່ 13 ແຂວງ ໃນເຂດສາມລຽມພັດທະນາ CLV, ລວມມີ 4 ແຂວງຂອງກຳປູເຈຍ, 4 ແຂວງຂອງລາວ ແລະ 5 ແຂວງຂອງຫວຽດນາມ.

ກ່າວຄຳເຫັນທີ່ກອງປະຊຸມ, ທ່ານ ນາຍົກລັດຖະມົນຕີກຳປູເຈຍ Samdech Techo Hun ໃຫ້ຮູ້ວ່າ ລັດຖະບານ ກຳປູເຈຍ ໄດ້ລົງທຶນພັດທະນາ 4 ແຂວງຂອງປະເທດນີ້ ທີ່ຢູ່ໃນເຂດສາມລ່ຽມພັດທະນາ ເປັນຈຳນວນເງິນຫຼາຍກ່ວາ 3 ລ້ານ USD. ການລົງທຶນຂອງລັດຖະບານໄດ້ຊ່ວຍໃຫ້ຍອດປະລິມານການຜະລິດໃນທົ່ວປະເທດຂອງ 4 ແຂວງນີ້ໃນປີ 2020 ເພີ່ມຂຶ້ນ 12%ເມື່ອທຽບໃສ່ປີ 2018.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.