(ພາບປະກອບ: AP) 

ວັນທີ 7 ມີນາ, ກະຊວງສາທາລະນະສຸກ ອັກຊັງຕິນ ໄດ້ຢັ້ງຢືນກໍລະນີເສຍຊີວິດຄົນທຳອິດ ຍ້ອນຕິດເຊື້ອໄວຣັດ SARS-CoV-2. ນີ້ແມ່ນກໍລະນີເສຍຊີວິດຄົນທຳອິດຢູ່ພາກພື້ນ ອາເມລິກາ ລາຕິນ ເຊິ່ງກ່ຽວຂ້ອງເຖິງໂລກລະບາດ COVID-19.

        ວັນທີ 7 ມີນາ, ນະຄອນຫຼວງ ວໍຊິງຕັນ ຂອງ ອາເມລິກາ ໄດ້ຢັ້ງຢືນກໍລະນີຕິດເຊື້ອໄວຣັດ SARS-CoV-2 ຄົນທໍາອິດ.

        ກະຊວງສາທາລະນະສຸກ ກຳປູເຈຍ ໄດ້ໃຫ້ຮູ້ໃນວັນທີ 7 ມີນາວ່າ ປະເທດນີ້ຫາກໍຢັ້ງຢືນກໍລະນີຊາວກຳປູເຈຍຄົນທຳອິດຕິດເຊື້ອໄວຣັດ SARS-CoV-2.

        ກະຊວງສາທາລະນະສຸກ ມານຕາ ໄດ້ແຈ້ງໃຫ້ຊາບໃນວັນທີ 7 ມີນາ ວ່າ ໄດ້ມີກໍລະນີຕິດເຊື້ອໄວຣັດ SARS-CoV-2 ຢູ່ປະເທດນີ້ແລ້ວ. ຄົນເຈັບແມ່ນເດັກສາວ ອາຍຸ 12 ປີ, ຖືສັນຊາດ ອີຕາລີ.

        ໃນວັນທີ 7 ມີນາ, ຈຳນວນຜູ້ເສຍຊີວິດຍ້ອນຕິດພະຍາດ COVID-19 ຢູ່ອີຕາລີ ແມ່ນ 36 ຄົນ, ອັນໄດ້ຍົກຍອດຈຳນວນຄົນເຈັບຖືກເສຍຊີວິດຢູ່ປະເທດນີ້ຂຶ້ນເຖິງ 233 ຄົນ. ໃນຂະນະນັ້ນ, ຈຳນວນຜູ້ຕິດເຊື້ອໄວຣັດ SARS-CoV-2 ຄົນໃໝ່ ກໍໄດ້ເພີ່ມຂຶ້ນຫຼາຍ ຂະນະພຽງໃນ 1 ວັນເທົ່ານັ້ນ ກໍໄດ້ຢັ້ງຢືນເຖິງ 1.247 ກໍລະນີ ອັນໄດ້ຍົກຍອດຈຳນວນຜູ້ຕິດເຊື້ອພະຍາດ COVID-19 ຢູ່ ອີຕາລີ ຂຶ້ນເຖິງທັງໝົດ 5.883 ຄົນ.

        ຢູ່ອີຣານ, ສະພາບການໂລກລະບາດສືບຕໍ່ຜັນແປຢ່າງສັບສົນ ຂະນະທີ່ໄດ້ຢັ້ງຢືນມີກໍລະນີເສຍຊີວິດຕື່ມອີກ 21 ຄົນ ໃນວັນທີ 7 ມີນາ, ອັນໄດ້ຍົກຍອດຈຳນວນຜູ້ເສຍຊີວິດຢູ່ປະເທດນີ້ຂຶ້ນເຖິງ 145 ຄົນ. ມີ ສະມາຊິກລັດຖະສະພາ ອີຣານ ຕື່ມອີກ 1 ຄົນ ໄດ້ເສຍຊີວິດ ຍ້ອນຕິດເຊື້ອພະຍາດ COVID-19.

        ສູນປ້ອງກັນ ແລະ ຄວບຄຸມໂລກລະບາດ ສ.ເກົາຫຼີ ໄດ້ຢັ້ງຢືນໃນວັນທີ 8 ມີນາວ່າ ມີຜູ້ຕິດເຊື້ອໄວຣັດ SARS-CoV-2 ຕື່ມອີກ 367 ຄົນ, ອັນໄດ້ຍົກຍອດຈຳນວນຜູ້ຕິດເຊື້ອໄວຣັດດັ່ງກ່າວຢູ່ປະເທດນີ້ ຂຶ້ນເຖິງ 7.134 ຄົນ.

 (ແຫຼ່ງຄັດຈາກ VOV)