ວັນທີ 14 ເມສາ, ຢູ່ເມືອງ ເຈົາແທັງ, ສະຫະພັນ ຊາວໜຸ່ມ ຫວຽດນາມແຂວງ ກຽນຢາງ ສົມທົບກັບສະຫະພັນບັນດາອົງການມິດຕະພາບແຂວງ ແລະ ຄະນະອະທິການບໍດີມະຫາວິທະຍາໄລ ກຽນຢາງ ໄດ້ຈັດຕັ້ງ ລາຍການພົວພັນແລກປ່ຽນມິດຕະພາບ ລະຫວ່າງ ຊາວໜຸ່ມ ຫວຽດນາມ - ລາວ - ກຳປູເຈຍ ພວມຮ່ຳຮຽນຢູ່ ມະຫາວິທະຍາໄລ ກຽນຢາງ. ກ່າວຄຳເຫັນທີ່ລາຍການ, ທ່ານ ຮອງເລຂາຊາວໜຸ່ມແຂວງ, ຮອງປະທານສະຫະພັນຊາວໜຸ່ມ ຫວຽດນາມ ແຂວງ ກຽນຢາງ ຟານດິ່ງເຍິນ ໄດ້ເນັ້ນໜັກວ່າ ນີ້ແມ່ນການເຄື່ອນໄຫວເພື່ອແນໃສ່ໂຄສະນາຢ່າງເລິກເຊິ່ງ ໃຫ້ແກ່ສະມາຊິກຊາວໜຸ່ມ, ຊາວໜຸ່ມ ກ່ຽວກັບການພົວພັນສາມັກຄີ, ມິດຕະພາບ ລະຫວ່າງ ຊາວໜຸ່ມ ຫວຽດນາມ ກັບ ຊາວໜຸ່ມ ລາວ, ກຳປູເຈຍ, ຜ່ານນັ້ນ ຊ່ວຍໃຫ້ຊາວໜຸ່ມບັນດາປະເທດ ມີຄວາມຮູ້, ສະໜິດຕິດພັນກ່ວາອີກ, ພ້ອມກັນພັດທະນາ. ເນື່ອງໃນໂອກາດນີ້, ສະຫະພັນ ຊາວໜຸ່ມ ຫວຽດນາມ ແຂວງ ກຽນຢາງ ແລະ ສະຫະພັນບັນດາອົງການມິດຕະພາບແຂວງ ໄດ້ມອບຂອງຂວັນ 69 ພູດ ແລະ ທຶນການສຶກສາ 12 ທຶນ ໃຫ້ແກ່ນັກສຶກສາ ລາວ, ກຳປູເຈຍ ທີ່ພວມຮ່ຳຮຽນ ຢູ່ມະຫາວິທະຍາໄລ ກຽນຢາງ.
(ແຫຼ່ງຄັດຈາກ VOV)
