ເຂົ້າຮ່ວມກອງປະຊຸມຍັງມີການນຳ ແລະຜູ້ຕາງຫນ້າບັນດາກະຊວງ, ຂະແຫນງການ ສອງຝ່າຍ.
ທີ່ກອງປະຊຸມ, ສອງຝ່າຍຕີລາຄາການພົວພັນດ້ານການເມືອງ ການຕ່າງປະເທດ ແລະ ການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບລະຫວ່າງສອງປະເທດນັບມື້ນັບໄວ້ເນື້ອເຊື່ອໃຈ, ແທດຈິງ, ມີປະສິດທິຜົນ ສະແດງໃຫ້ເຫັນຜ່ານບັນດາໝາກຜົນການຢ້ຽມຢາມ ແລະ ການພົບປະເປັນປະຈຳ ລະຫວ່າງການນຳຂັ້ນສູງສອງປະເທດ.
ສອງຝ່າຍເຫັນດີ ຜັນຂະຫຍາຍບັນດາມາດຕະການຍູ້ແຮງການຮ່ວມມືດ້ານເສດຖະກິດ, ການຄ້າ, ສ້າງທຸກເງື່ອນໄຂສະດວກໃຫ້ແກ່ບັນດາວິສາຫະກິດສອງປະເທດ ເພີ່ມທະວີການຮ່ວມມືລົງທຶນ, ດຳເນີນທຸລະກິດ, ສູ້ຊົນຍົກວົງເງິນການຄ້າສອງສົ້ນບັນລຸຄາດໝາຍ 20 ຕື້ USD ໃນປີ 2020 ແລະ ມຸ້ງໄປເຖິງດຸນການຄ້າ. ສອງຝ່າຍໃຫ້ຄຳໝັ້ນສັນຍາ ສືບຕໍ່ຊຸກຍູ້ການຮ່ວມມືດ້ານວັດທະນະທຳ, ການສຶກສາ, ການພົບປະແລກປ່ຽນປະຊາຊົນ.
ຕອນບ່າຍວັນດຽວກັນ ທ່ານຮອງນາຍົກລັດຖະມົນຕີ ຟ້າມບີງມີງ ໄດ້ເຂົ້າຢ້ຽມຂ່ຳນັບທ່ານນາຍົກລັດຖະມົນຕີ ໄທ ປະຣາຢຸດ ຈັນໂອຊາ. ທີ່ການຕ້ອນຮັບ, ທ່ານນາຍົກລັດຖະມົນຕີ ໄທ ໄດ້ເນັ້ນຫນັກເຖິງຄວາມສຳຄັນຂອງການພົວພັນຄູ່ຮ່ວມມືຍຸດທະສາດກັບຫວຽດນາມ ແລະ ຕີລາຄາສູງໝາກຜົນຂອງກອງປະຊຸມຄັ້ງທີ 3 ຄະນະກຳມະການປະສົມກ່ຽວກັບການຮ່ວມມືສອງຝ່າຍຫວຽດນາມ -ໄທ ແລະ ຖືນີ້ແມ່ນກົນໄກສຳຄັນແຖວຫນ້າເພື່ອຊຸກຍູ້ການຮ່ວມມືສອງຝ່າຍເຂົ້າສູ່ລວງເລິກ, ເພື່ອຜົນປະໂຫຍດຂອງປະຊາຊົນສອງປະເທດ.
(ແຫຼ່ງຄັດຈາກ VOV)
