ຂ່າວສານ

WHO ກ່າວເຕືອນເຊື້ອໄວຣັດກາຍພັນ Omicron ມີຄວາມສ່ຽງສູງທີ່ຈະແຜ່ລາມອອກສູ່ທົ່ວໂລກ

15/12/2021

ປັດຈຸບັນ, ທົ່ວໂລກຢັ້ງຢືນມີຫຼາຍກວ່າ 60 ປະເທດ ກວດພົບມີເຊື້ອໄວຣັດກາຍພັນ Omicron ແລ້ວ ແລະ ມີຄວາມສ່ຽງສູງທີ່ຈະແຜ່ລາມອອກສູ່ທົ່ວໂລກ ເມື່ອມີຫຼັກຖານທີ່ຊີ້ໃຫ້ເຫັນວ່າ ເຊື້ອໄວຣັດກາຍພັນນີ້ ສາມາດຕ້ານຄືນພູມຕ້ານທານ ເຊິ່ງວັກຊິນກໍ່ຂຶ້ນ, ໃນຂະນະນັ້ນ ວົງການນັກຊ່ຽວຊານ ຍັງບໍ່ທັນມີຂໍ້ມູນເອກະສານຫຼາຍພຽງພໍເພື່ອຢັ້ງຢືນຄວາມອັນຕະລາຍຂອງເຊື້ອໄວຣັດກາຍພັນນີ້.

ໃນໄລຍະລໍຖ້າບົດລາຍງາຍໃໝ່ກ່ຽວກັບເຊື້ອໄວຣັດກາຍພັນ Omicron, ວົງການນັກວິທະຍາສາດຖືວ່າ ສັກວັກຊິນແມ່ນວິທີດີທີ່ສຸດເພື່ອກັນພະຍາດໂຄວິດ - 19 (ພາບ: Reuters)

ໃນບົດລາຍງານໃນວັນທີ 12 ທັນວາ, ບັນດານັກຊ່ຽວຊານດ້ານສາທາລະນະສຸກຂອງ WHO ກໍ່ໄດ້ຢັ້ງຢືນຄືນການຕີລາຄາເບື້ອງຕົ້ນໃນວັນທີ 29 ພະຈິກ ວ່າ ຄວາມສ່ຽງທີ່ກ່ຽວຂ້ອງເຖິງເຊື້ອໄວຣັດກາຍພັນ Omicron ແມ່ນຍັງສູງທີ່ສຸດ. ມີຫຼັກຖານເບື້ອງຕົ້ນທີ່ຊີ້ໃຫ້ເຫັນວ່າ Omicron ສາມາດຫຼີກລ້ຽງລະບົບພູມຕ້ານທານຂອງຮ່າງກາຍ ແລະ ສາມາດຕິດຕໍ່ກັນໄດ້ງ່າຍ, ຜ່ານນັ້ນ ສາມາດເຮັດໃຫ້ຈຳນວນຜູ້ຕິດເຊື້ອໃໝ່ສືບຕໍ່ເພີ່ມຂຶ້ນ ດ້ວຍຜົນຕາມມາທີ່ຮ້າຍແຮງ. ຄາດວ່າ ໃນອາທິດຈະມາເຖິງ, ອົງການ WHO ຈະປະກາດບົດລາຍງາຍໃໝ່ກ່ຽວກັບເຊື້ອໄວຣັດກາຍພັນນີ້.

(ແຫຼ່ງຄັດຈາກ VOV)

ທ່ານເລຂາທິການໃຫຍ່ໂຕເລິມ ໂອ້ລົມທາງໂທລະສັບກັບບັນດາສະມາຊິກສະພາສູງ ອາເມລິກາ

20/02/2026
ຂ່າວສານ

ວັນທີ 18 ກຸມພາ, ຕາມເວລາທ້ອງຖິ່ນ, ໃນໄລຍະເຂົ້າຮ່ວມກອງປະຊຸມໄຂສະພາສັນຕິພາບເຂດ ກາຊາ ຢູ່ນະຄອນຫຼວງ ວໍຊິງຕັນ ດີຊີ (ອາເມລິກາ) ຕາມຄຳເຊື້ອເຊີນຂອງທ່ານ Donald Trump ປະທານາທິບໍດີ ອາເມລິກາ, ປະທານສະພາສັນຕິພາບ, ປະທານສະພາສັນຕິພາບເຂດ ກາຊາ, ທ່ານເລຂາທິການໃຫຍ່ ໂຕເລິມ ໄດ້ໂອ້ລົມທາງໂທລະສັບກັບທ່ານ Steve Daines ສະມາຊິກສະພາສູງ ພັກສາທາລະນະ - ລັດ Montanam), ສະມາຊິກກຳມາທິການການພົວພັນຕ່າງປະເທດ ແລະ ທ່ານ Bill Hagerty ສະມາຊິກສະພາສູງ (ພັກສາທາລະນະ - ລັດ Tennessee).