ຂ່າວສານ

VinFast-ເຄື່ອງໝາຍການຄ້າລົດໂອໂຕທຳອິດຂອງຫວຽດນາມເປີດຕົວຢ່າງເປັນທາງການຢູ່ Paris Motor Show 2018

03/10/2018

ວັນທີ 02 ຕຸລາ, 2 ແບບລົດໂອໂຕຄື ລົດເກັ໋ງ (Sedan) ແລະ ລົດຈິບ (SUV) ຂອງ VinFast, ເຊິ່ງເປັນເຄື່ອງໝາຍການຄ້າລົດໂອໂຕທຳອິດຂອງຫວຽດນາມ ໄດ້ເປີດຕົວເຖິງມວນຊົນຢ່າງເປັນທາງການ, ຢູ່ງານວາງສະແດງລົດໂອໂຕ ປາຣີ ຄັ້ງທີ 120 (Paris Motor Show 2018), ເຊິ່ງແມ່ນໜຶ່ງໃນບັນດາງານວາງສະແດງລົດໂອໂຕທີ່ມີຂະໜາດໃຫຍ່ທີ່ສຸດໃນໂລກ.

2 ແບບລົດໂອໂຕຄື ລົດເກັ໋ງ (Sedan) ແລະ ລົດຈິບ (SUV) ຂອງ VinFast
(ພາບ: Zing.vn)

ເປັນຄັ້ງທຳອິດ, ເຄື່ອງໝາຍລົດໂອໂຕຂອງຫວຽດນາມ ຈະໄດ້ເປີດຕົວພ້ອມກັບບັນດາຍີ່ຫໍ້ແຖວໜ້າຄື: Mercedes, Porcher, Audi… ນຳຫວຽດນາມ ຢືນພ້ອມກັບບັນດາເຄື່ອງໝາຍລົດໂອໂຕແຖວໜ້າໃນຂະແໜງອຸດສາຫະກຳລົດໂອໂຕສາກົນຄື: ເຢຍລະມັນ, ຍີ່ປຸ່ນ, ຝລັ່ງ, ອັງກິດ.

2 ແບບລົດໂອໂຕລົດເກັ໋ງ (Sedan) ແລະ ລົດຈິບ (SUV) ຂອງ VinFast ໂດຍ Italy Design ແລະ Pininfarina ອອກແບບ. ການເປີດຕົວຂອງ VinFast ຢູ່ Paris Motor Show 2018 ໄດ້ສ້າງຄວາມແປກປະຫຼາດຕໍ່ວົງການນັກວິຊາການໃນຂະແໜງ ແລະ ສື່ມວນຊົນສາກົນໃນຕະຫຼອດໄລຍະຜ່ານມາ. ມີບົດຂຽນນັບພັນໆບົດໄດ້ອອກຂ່າວກ່ຽວກັບລົດໂອໂຕຍີ່ຫໍ້ໃໝ່ແຕ່ໄດ້ສ້າງຂີດໝາຍເມື່ອເປີດຕົວລົດໂອໂຕຄັນຕ່າງໆທຳອິດພຽງໃນເວລາກວ່າ 365 ວັນ, ສິ່ງທີ່ບັນດາຍີ່ຫໍ້ລົດໂອໂຕທີ່ມີຊື່ສຽງໃນໂລກກໍ່ຕ້ອງເສຍເວລາຢ່າງນ້ອຍສຸດ 2 – 3 ປີ. ພິເສດ, ລົດໂອໂຕທັງ 2 ແບບນີ້ໄດ້ຮັບການຕີລາຄາສູງກ່ຽວກັບຄວາມງາມ, ກໍຄືບັນດາມາດຕະຖານສາກົນສູງສຸດ. ງານວາງສະແດງປາຣີ 2018 ຖືກໄຂຂຶ້ນແຕ່ວັນທີ 04 – 14 ຕຸລາ ຈຶ່ງອັດລົງ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.