ຂ່າວສານ

Google ເຊີດຊູຂັບ ກາຈູ່ ຫວຽດນາມ

25/02/2020

ເວັບໄຊ “Google.com” ໄດ້ສະໜອງຂໍ້ມູນທີ່ວ່າ: Google Doodle ສະເຫຼີມສະຫຼອງວັນບູຊາຜູ້ກໍ່ຕັ້ງອາຊີບຂັບ ກາຈູ່ ຫວຽດນາມ.

ວັນທີ 23 ກຸມພາ, Google ເອົາພາບແຕ້ມ ກາຈູ່ ຂອງຫວຽດນາມ ເປັນສັນຍາລັກຊົ່ວຄາວໃນໜ້າເວັບ (Google Doodle) ຂອງເວັບໄຊ “Google.com”, ເພື່ອເຊີດຊູຮູບແບບສິລະປະທີ່ເປັນມູນເຊື້ອເນື່ອງໃນໂອກາດວັນບູຊາຜູ້ກໍ່ຕັ້ງອາຊີບຂັບ ກາຈູ່ ຫວຽດນາມ (23 ກຸມພາ).

ໃນຄຳນຳສະໜີ, ເວັບໄຊ “Google.com” ໄດ້ສະໜອງຂໍ້ມູນທີ່ວ່າ: Google Doodle ສະເຫຼີມສະຫຼອງວັນບູຊາຜູ້ກໍ່ຕັ້ງອາຊີບຂັບ ກາຈູ່ ຫວຽດນາມ, ເພື່ອເຊີດຊູຮູບແບບດົນຕີທີ່ເປັນມູນເຊື້ອທີ່ມີໄລຍະໄດ້ຮັບການເຄົາລົບນັບຖືທີ່ສຸດຂອງຫວຽດນາມ. ສຽງດົນຕີທີ່ເປັນເອກະລັກສະເພາະຂອງຂັບ ກາຈູ່ ມີຕົ້ນກຳເນີດນັບແຕ່ສະຕະວັດທີ 11, ດ້ວຍຈຸດເລີ່ມຕົ້ນແມ່ນປະເພດສິລະປະບັນເທິງສຳລັບຊົນຊັ້ນຂູນນາງໃນພະລາຊະວັງ, ຂັບ ກາຈູ່ ຄ່ອຍໆເຊື່ອມຕົວເຂົ້າໃນຊີວິດປະຊາຊົນໃນຕະຫຼອດໄລຍະປະຫວັດສາດ, ກ່ອນທີ່ຈະຖືກສູນຫາຍໄປ.

ຜ່ານການເຊີດຊູນີ້, Google ປາດຖະໜາຢາກຍົກສູງສະຕິຄວາມຮັບຮູ້ ແລະ ຄວາມສົນໃຈຂອງມະຫາຊົນຕໍ່ກັບບັນດາຮູບແບບສິລະປະທີ່ເປັນມູນເຊື້ອທີ່ພວມມີໄພຖືກສູນຫາຍໄປ, ເປັນການບອກເຕືອນລຸ້ນໜຸ່ມຍາມໃດກໍ່ໃຫ້ຄິດຮອດຄິດເຖິງກົກເຄົາເຫງົ້າກໍ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.