ຂ່າວສານ

60 ກໍລະນີຕິດເຊື້ອພະຍາດໂຄວິດ - 19 ໄດ້ມີຜົນລົບ 1 ເທື່ອຂຶ້ນໄປ

30/03/2020

ໄລ່ມາຮອດຕອນເຊົ້າວັນທີ 29 ມີນາ, ຫວຽດນາມ ໄດ້ຢັ້ງຢືນມີ 179 ກໍລະນີຕິດເຊື້ອພະຍາດໂຄວິດ - 19, ໃນນັ້ນ, ມີ 21 ກໍລະນີໄດ້ຮັບການປິ່ນປົວຫາຍດີເປັນປົກກະຕິ ແລະ ໄດ້ອອກໂຮງໝໍແລ້ວ.

      ສ່ວນ 158 ກໍລະນີ ຍັງເຫຼືອ ສືບຕໍ່ໄດ້ຮັບການປິ່ນປົວຢູ່ຮາກຖານສາທາລະນະສຸກ 20 ແຫ່ງໃນທົ່ວປະເທດ, ສ່ວນຫຼາຍແມ່ນສຸຂະພາບມີອາການເປັນປົກກະຕິ, ໃນນັ້ນ 60 ກໍລະນີ ມີຜົນລົບກັບເຊື້ອໄວຣັດ SARS – CoV - 2 ຢ່າງໜ້ອຍ 1 ເທື່ອຂຶ້ນໄປ. ໃນນັ້ນ, 3 ກໍລະນີ ມີອາການໜັກ ເຊິ່ງພວມປິ່ນປົວຢູ່ໂຮງໝໍພະຍາດເຂດຮ້ອນສູນກາງ ສາຂາກິມຈູງ ກໍມີອາຫານດີຂຶ້ນ.
        ກໍກ່ຽວຂ້ອງເຖິງໂລກລະບາດໂຄວິດ - 19, ຫວຽດນາມ ພວມສຸມໃສ່ຄວບຄຸມໂລກລະບາດດັ່ງກ່າວຢູ່ໂຮງໝໍ ແບກມາຍ, ເຊິ່ງເປັນບ່ອນທີ່ຢັ້ງຢືນມີ 16 ກໍລະນີ ຕິດເຊື້ອໃນຊຸມວັນຜ່ານມາ. ທ່ານ ຫງວຽນກວາງຕ໊ວນ, ຜູ້ອໍານວຍການໂຮງໝໍແບກມາຍ, ໃຫ້ຮູ້ວ່າ:
        “ພີ່ນ້ອງຂອງຄົນເຈັບສ່ວນຫຼາຍແມ່ນຢູ່ນອກເຂດກັນພະຍາດ, ສະນັ້ນ ຄວາມສາມາດຕິດແປດລະຫວ່າງພີ່ນ້ອງຂອງຄົນເຈັບນໍາກັນແມ່ນສູງທີ່ສຸດ. ໂດຍປະຕິບັດຕາມຄໍາຊີ້ນໍາຂອງລັດຖະບານ ກໍຄືຂອງນະຄອນຮ່າໂນ້ຍ, ພວກຂ້າພະເຈົ້າໄດ້ສົມທົບກັບກອງທັບ ສົ່ງພີ່ນ້ອງຂອງຄົນເຈັບຈໍານວນ 631 ຄົນ ໄປແຍກຕົວລວມໝູ່ແລ້ວ”.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.