ຂ່າວສານ

ເພີ່ມທະວີການຮ່ວມມືຮອບດ້ານຫວຽດນາມ - ລາວ

08/03/2018

ຕອນບ່າຍວັນທີ 06 ມີນາ, ຢູ່ຮ່າໂນ້ຍ, ທ່ານນາງຮອງປະທານຜູ້ປະຈໍາການສະພາແຫ່ງຊາດຫວຽດນາມ ຕອງທິຟ໋ອງ ໄດ້ໃຫ້ການຕ້ອນຮັບ ທ່ານ ປະທານ ກຳມາທິການ ບັນດາເຜົ່າຂອງສະພາແຫ່ງຊາດລາວ ບົວພັນ ລິີໄກຢາ ເຊິ່ງກຳລັງເຮັດວຽກຢູ່ຫວຽດນາມ (ໃນລະຫວ່າງ ວັນທີ 5 – 11 ມີນາ 2018).

ທ່ານນາງ ຕອງທິຟ໋ອງ ໄດ້ໃຫ້ການຕ້ອນຮັບ ທ່ານນາງ ບົວພັນ ລິີໄກຢາ (ພາບ: TTXVN)

ຕີລາຄາສູງໝາກຜົນຂອງການພົບປະເຈລະຈາ ລະຫວ່າງ ກຳມາທິການບັນດາເຜົ່າ ຂອງສະພາແຫ່ງຊາດລາວ ແລະ ສະພາຊົນເຜົ່າຫວຽດນາມ, ທ່ານນາງຮອງປະທານສະພາແຫ່ງຊາດ ຕອງທິຟ໋ອງ ໄດ້ສະເໜີໃຫ້ສອງຝ່າຍຈະສືບຕໍ່ຮ່ວມມືກັນຢ່າງແໜ້ນແຟ້ນ ແລະ ເພີ່ມທະວີການພົບປະແລກປ່ຽນຖອດຖອນບົດຮຽນ. ທ່ານນາງຮອງປະທານສະພາແຫ່ງຊາດ ຕອງທິຟ໋ອງເນັ້ນໜັກວ່າ ສະພາແຫ່ງຊາດຂອງສອງປະເທດ ພ້ອມກັນຈັດຕັ້ງຫຼາຍເຫດການທີ່ແທດຈິງ ແລະ ປະສົບຜົນສຳເລັດຢ່າງຈົບງາມ, ປະກອບສ່ວນເຂົ້າໃນການປັບປຸງ, ພັດທະນາສາຍພົວພັນມິດຕະພາບທີ່ເປັນມູນເຊື້ອຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ - ລາວ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.