ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝຸຈ້ອງ ຫາກໍ່ຕາງໜ້າໃຫ້ກົມການເມືອງລົງລາຍເຊັນປະກາດໃຊ້ມະຕິກ່ຽວກັບການຄົ້ນຄ້ວາ, ຮ່ຳຮຽນ, ເຊື່ອມຊືມ, ເຜີຍແຜ່ ແລະ ຜັນຂະຫຍາຍການປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ. ມະຕິໄດ້ຊີ້ໃຫ້ເຫັນຢ່າງຈະແຈ້ງວ່າ ມະຕິກອງປະຊຸມໃຫຍ່ຄັ້ງທີ XIII ຂອງພັກ ແມ່ນການສະຫຼຸບ ທິດສະດີ ແລະ ພຶດຕິກຳຕົວຈິງຢ່າງເລິກເຊິ່ງ, ເຕົ້າໂຮມພູມປັນຍາ, ເຈດຈຳນົງ, ຄວາມມຸ່ງມາດປາດຖະໜາຂອງທົ່ວພັກ, ທົ່ວບວງຊົນ ແລະ ທົ່ວກອງທັບ, ວາງອອກທິດທາງ, ໜ້າທີ່ພັດທະນາເສດຖະກິດ - ສັງຄົມ ໄລຍະ 5 ປີ 2021 – 2025…
ເພື່ອຜັນຂະຫຍາຍການປະຕິບັດບັນລຸຜົນສຳເລັດ, ກົມການເມືອງໄດ້ຮຽກຮ້ອງໃຫ້ອົງຄະນະພັກທຸກຂັ້ນ, ອົງການຈັດຕັ້ງຂອງພັກ ຖືການຄົ້ນຄ້ວາ, ຮ່ຳຮຽນ, ເຊື່ອມຊືມ, ເຜີຍແຜ່ ແລະ ຜັນຂະຫຍາຍການປະຕິບັດມະຕິກອງປະຊຸມໃຫ່ຍຄັ້ງທີ XIII ຂອງພັກ ແມ່ນວຽກງານປະຈຳ, ຕ້ອງປະຕິບັດຢ່າງເຂັ້ມງວດ, ມີແບບມີແຜນ ແລະ ມີວິທະຍາສາດໃນຕະຫຼອດໄລຍະຂອງທັງອາຍຸການ.
ຕາມກົມການເມືອງແລ້ວ, ນີ້ແມ່ນໜຶ່ງໃນບັນດາໜ້າທີ່ຈຸດສຸມຂອງປີ 2021 ແມ່ນການດຳລົງຊີວິດດ້ານການເມືອງຢ່າງເລິກເຊິ່ງ ເພື່ອໃຫ້ພະນັກງານ, ສະມາຊິກພັກແຕ່ລະຄົນລ້ວນແຕ່ກຳແໜ້ນ ແລະ ປະຕິບັດມະຕິຂອງພັກຢ່າງຖືກຕ້ອງ ແລະ ມີຫົວຄິດປະດິດສ້າງ .
ກົມການເມືອງກໍ່ເນັ້ນໜັກວ່າ ວຽກງານຄົ້ນຄ້ວາ, ຮ່ຳຮຽນ, ເຊື່ອມຊືມມະຕິກອງປະຊຸມໃຫຍ່ຄັ້ງທີ XIII ຂອງພັກ ຕ້ອງໄດ້ຮັບການດຳເນີນຢ່າງຮີບດ່ວນ, ເຂັ້ມງວດ, ມີຄຸນນະພາບ, ສົມທົບລະຫວ່າງ ການຄົ້ນຄ້ວາດ້ວຍເອງ ກັບການຮັບຟັງການເຜີຍແຜ່, ເຊື່ອມຊືມ, ເນັ້ນໜັກເຖິງການເຮັດ ບັນດາບັນຫາໃໝ່, ຫຼັກແຫຼ່ງໃຫ້ຈະແຈ້ງ, ຍົກສູງບົດບາດຄວາມຮັບຜິດຊອບຂອງນັກລາຍງານ, ຜູ້ນຳໜ້າອົງຄະນະພັກໃນບົດລາຍງານຖ່າຍທອດມະຕິ.
(ແຫຼ່ງຄັດຈາກ VOV)
