ທ່ານອວງຈູລຶວລົງຢ້ຽມຢາມຄ້າຍກັກຂັງນິງແຄ໋ງແຂວງນິງບິງ, ຫວຽດນາມ
(ພາບ: ນິງດຶກເຟືອງ/ TTXVN)
ວັນທີ 9 ເມສາ, ທີ່ແຂວງນິງບິງຂອງຫວຽດນາມ, ຄະນະປະຕິບັດງານຂອງສະພາແຫ່ງຊາດ ໂດຍທ່ານອວງຈູລຶວ ຮອງປະທານສະພາແຫ່ງຊາດຫວຽດນາມເປັນຫົວໜ້າຄະນະ, ໄດ້ລົງຢ້ຽມຢາມ ແລະເຮັດວຽກກ່ຽວກັບວຽກງານດໍາເນີນຄະດີອາຍາ ແລະ ວຽກງານອະໄພຍະໂທດຢູ່ກຸ່ມຄ້າຍກັກຂັງ, ພື້ນຖານການສຶກສາແບບບັງຄັບ, ໂຮງຮຽນດັດສ້າງເລກ 3, ກົມໃຫຍ່ 8 ສັງກັດກະຊວງຕຳຫຼວດ. ທີ່ການເຮັດວຽກ, ທ່ານຮອງປະທານສະພາແຫ່ງຊາດຫວຽດນາມ ອວງຈູລຶວ ເນັ້ນໜັກເຖິງຄວາມຈຳເປັນຂອງການສ້າງກົດໝາຍອະໄພຍະໂທດ, ກົດໝາຍດຳເນີນຄະດີອາຍາ (ສະບັບປັບປຸງ) ໃຫ້ສອດຄ່ອງກັບຄວາມຮຽກຮ້ອງຕ້ອງການຕົວຈິງ. ທ່ານຮອງປະທານສະພາແຫ່ງຊາດຫວຽດນາມ ອວງຈູລຶວ ສະເໜີໃຫ້ກະຊວງຕຳຫຼວດຄວນເອົາໃຈໃສ່ເຂົ້າໃນການຈັດວາງແຫຼ່ງທຶນຮອນເພື່ອລົງທຶນ, ກໍ່ສ້າງບັນດາສະຖານທີ່ກັກຂັງ, ຮັບປະກັນເງື່ອນໄຂດຳລົງຊີວິດ, ການດັດສ້າງ, ການສຶກສາບໍາລຸງສ້າງໃຫ້ນັກໂທດຕາມການກຳນົດຂອງກົດໝາຍໃຫ້ເປັນຢ່າງດີ. ທ່ານຮອງປະທານສະພາແຫ່ງຊາດຫວຽດນາມ ອວງຈູລຶວ ຖືວ່າ ຂໍ້ກຳນົດຂອງການອະໄພຍະໂທດຕ້ອງສະແດງໃຫ້ເຫັນໄດ້ເຖິງນະໂຍບາຍຂອງພັກ, ລັດ ກ່ຽວກັບການອະໄພໂທດມະນຸດສະທຳຕໍ່ນັກໂທດ, ສົ່ງເສີມຜູ້ຖືກກັກຂັງ ຈົ່ງຕັ້ງໃຈຝຶກຝົນຫຼໍ່ຫຼອມ ແລະ ປັບຕົວໃຫ້ເປັນຢ່າງດີ ເພື່ອສາມາດກັບຄືນສູ່ສັງຄົມໂດຍໄວ ແລະສູ້ຊົນໃຫ້ກາຍເປັນຄົນທີ່ມີປະໂຫຍດຕໍ່ສັງຄົມ. ທ່ານຮອງປະທານສະພາແຫ່ງຊາດຫວຽດນາມ ອວງຈູລຶວ ກໍສະເໜີໃຫ້ບັນດາອົງການກ່ຽວຂ້ອງ ສຶກສາຄົ້ນຄວ້າ, ເພີ່ມເຕີມເຂົ້າໃນບັນດາຂໍ້ກຳນົດຮ່າງກົດໝາຍຕ່າງໆ ໃຫ້ເໝາະສົມ, ຮັບປະກັນ, ເປີດເຜີຍ, ໂປ່ງໃສ, ຖືກຕາມຂັ້ນຕອນ ແລະ ລະບຽບການ.
(ແຫຼ່ງຄັດຈາກ VOV)
