ຂ່າວສານ

ອາຊຽນ ເພີ່ມທະວີການຮ່ວມມືເຊື່ອມຕໍ່ພາກພື້ນ ແລະ ບັນດາຄູ່ຮ່ວມມື

27/06/2021

ວັນທີ 25 ມິຖຸນາ, ທ່ານ ເອກອັກຄະລັດຖະທູດ ຫງວຽນຫ໋າຍບັ່ງ, ຫົວໜ້າຄະນະປະຕິບັດງານ ຫວຽດນາມ ປະຈຳ ອາຊຽນ ໄດ້ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມຄັ້ງທີ 2 ໃນປີ 2021 ຂອງ ຄະນະປະສານງານເຊື່ອມຕໍ່ ອາຊຽນ (ACCC 2/2021) ຕາມຮູບການທາງອອນລາຍ.

ກອງປະຊຸມຄັ້ງທີ 2 ໃນປີ 2021 ຂອງ ຄະນະປະສານງານເຊື່ອມຕໍ່ ອາຊຽນ (ACCC 2/2021)

ກອງປະຊຸມໄດ້ຢັ້ງຢືນ ແລະ ຕີລາຄາສູງວິວັດທະນາການຢ່າງຕັ້ງໜ້າໃນການຜັນຂະຫຍາຍແຜນການສັງລວມເຊື່ອມຕໍ່ ອາຊຽນ 2025 (MPAC 2025). ໃນໄລຍະຈະມາເຖິງ, ອາຊຽນ ຈະ ສຸມກຳລັງແຮງ, ຂົນຂວາຍບັນດາຄູ່ຮ່ວມມືເຂົ້າຮ່ວມການໜູນຊ່ວຍ ແລະ ຊຸກຍູ້ບັນດາໂຄງການໃນບັນດາຂົງເຂດຍຸດທະສາດ. ນອກຈາກນັ້ນ, ກອງປະຊຸມກໍ່ໄດ້ເນັ້ນໜັກເຖິງເລື່ອງຕ້ອງເພີ່ມທະວີການໂຄສະນາ, ເຜີຍແຜ່ຂໍ້ມູນກ່ຽວກັບເນື້ອໃນ ແລະ ຜົນປະໂຫຍດໃນວົງກວ້າງຂອງ MPAC 2025, ສືບຕໍ່ຊຸກຍູ້ຍຸດທະສາດໂຄສະນາເຜີຍແຜ່ຂອງ MPAC 2025 ໃນປີ 2021. ກອງປະຊຸມກໍ່ເຫັນດີເປັນເອກະພາບເພີ່ມທະວີກົນໄກປະສານງານ, ແລະ ເຊື່ອມຕໍ່ການຜັນຂະຫຍາ MPAC 2025 ດ້ວຍບັນດາຂໍ້ລິເລີ່ມເຊື່ອມຕໍ່ພາກພື້ນ ແລະ ບັນດາຄູ່ຮ່ວມມືຂອງ ອາຊຽນ.

(ແຫຼ່ງຄັດຈາກ VOV)

ພັດທະນາອຸດສາຫະກຳປ້ອງກັນຊາດຕາມທິດເປັນເຈົ້າການ, ສ້າງຄວາມເຂັ້ມແຂງດ້ວຍຕົນເອງ ແລະ ທັນສະໄໝ

16/09/2025
ຂ່າວສານ

ທ່ານເລຂາທິການໃຫຍ່ ໂຕເລິມ ໃຫ້ຮູ້ວ່າເພື່ອປະຕິບັດບັນດາເປົ້າໝາຍສ້າງກອງທັບປະຊາຊົນ ຫວຽດນາມປະຕິວັດ, ເປັນກຳລັງຫຼວງ, ຍອດຢ້ຽມ, ທັນສະໄໝ, ພັກ, ລັດມີຄວາມເອົາໃຈໃສ່ເປັນພິເສດເຖິງການກໍ່ສ້າງ, ພັດທະນາຂະແໜງອຸດສາຫະກຳປ້ອງກັນຊາດ.