• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ ສືບ​ຕໍ່​ຮັບ​ມື​ກັບ​ວຽກງານ​ປ້ອງ​ກັນ, ຕ້ານ​ເຊື້ອ​ພະຍາດ Covid - 19

ວັນທີ 14 ກຸມພາ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ຮຽກຮ້ອງໃຫ້ກໍາລັງເຈົ້າໜ້າທີ່ຮັບຜິດຊອບ ເພີ່ມທະວີການຄວບຄຸມສໍາລັບບັນດາເປົ້າໝາຍແຍກຕົວຢູ່ຕ່າງຫາກ ເພື່ອຮັບປະກັນປະຕິບັດໃຫ້ຖືກຕ້ອງຕາມການແນະນໍາຂອງກະຊວງສາທາລະນະສຸກ; ຕັດສິນໃຈຖອນໃບອະນຸຍາດອອກແຮງງານຂອງພົນລະເມືອງຕ່າງປະເທດທີ່ມາເຮັດວຽກຢູ່ຫວຽດນາມ ເຊິ່ງນອນໃນເປົ້າໝາຍຕ້ອງແຍກຕົວ ທີ່ມີທ່າທີບໍ່ປະຕິບັດຕາມ ຫຼື ຖອນຕົວອອກຈາກເຂດແຍກຕົວຕາມລໍາພັງໃຈ.

ການສີດຢາຂ້າເຊື້ອໃນທົ່ວບໍລິເວນໂຮງຮຽນແຫ່ງຕ່າງໆ (ພາບ: TTXVN) 

 ຕອນເຊົ້າວັນທີ 15 ກຸມພາ, ຄະນະປະຕິບັດງານຂອງກະຊວງສາທາລະນະສຸກ ຫວຽດນາມ ໄດ້ມີການເຮັດວຽກກັບ ໜ່ວຍປະຕິບັດວຽກງານປ້ອງກັນ, ຕ້ານເຊື້ອພະຍາດ Covid - 19 ຢູ່ເມືອງ ບິ່ງຊວຽນ, ແຂວງຫວິງຟຸກ ເພື່ອແນະນໍາ, ໜູນຊ່ວຍກໍານົດເຂດເກີດການຕິດເຊື້ອພະຍາດ ແລະ ແຍກຕົວ ຢູ່ຕາແສງ ເຊີນໂລຍ ແລະ ບັນດາຕາແສງທີ່ມີຜູ້ຕິດເຊື້ອ Covid – 19. ປັດຈຸບັນ, ຢູ່ເມືອງ ບິ່ງຊວຽນ ໄດ້ມີໜ່ວຍປະຕິບັດງານເຮັດວຽກ ຕະຫຼອດ 24 ຊົ່ວໂມງ ເພື່ອໃຫ້ການໜູນຊ່ວຍປ້ອງກັນ ແລະ ປິ່ນປົວ. ບັນດາກໍລະນີທີ່ຢູ່ຄອບຄົວດຽວກັນກັບຜູ້ຕິດເຊື້ອ ຫຼື ສໍາຜັດໃກ້ກັບຜູ້ຕິດເຊື້ອ Covid - 19 ແມ່ນໄດ້ແຍກຕົວອອກຢູ່ຕ່າງຫາກແລ້ວ.

        ໃນຂະນະນັ້ນ, ຢູ່ແຂວງກວ໋າງນິງ, ວຽກງານປ້ອງກັນ, ຕ້ານເຊື້ອພະຍາດ Covid - 19 ກໍໄດ້ຮັບການຜັນຂະຫຍາຍຢ່າງຕັ້ງໜ້າ. ຢູ່ວິທະຍາໄລ ຖ່ານຫີນ ແຮ່ທາດຫວຽດນາມ ກໍ່ໄດ້ຈັດຕັ້ງການສີດຢາຂ້າເຊື້ອໃນທົ່ວບໍລິເວນໂຮງຮຽນ; ວັດອຸນຫະພູມໃຫ້ແກ່ນັກສຶກສາປະຈໍາວັນ. ນາງ ກົງທິເຟືອງຖ໋າວ ເລຂາຄະນະຊາວໜຸ່ມວິທະຍາໄລ ຖ່ານຫີນ ແຮ່ທາດຫວຽດນາມ ໃຫ້ຮູ້ວ່າ:

        “ຄະນະຊາວໜຸ່ມຂອງໂຮງຮຽນ ໄດ້ໂຄສະນາກ່ຽວກັບການຮັກສາສຸຂະພາບໃຫ້ແກ່ຊາວໜຸ່ມ, ສະມາຊິກຊາວໜຸ່ມ, ພະນັກງານ, ກໍາມະກອນຂອງໂຮງຮຽນ ເຮັດແນວໃດ ເພື່ອສາມາດຄວບຄຸມເຊື້ອພະຍາດດັ່ງກ່າວໄດ້ເປັນຢ່າງດີທີ່ສຸດ. ບັນດາການເຄື່ອນໄຫວທັງໝົດນີ້ ລ້ວນແຕ່ໄດ້ຮັບການສະໜັບສະໜູນ, ຄວາມສົນໃຈ ແລະ ການເຂົ້າຮ່ວມຢ່າງຕັ້ງໜ້າຂອງຊາວໜຸ່ມ, ສະມາຊິກຊາວໜຸ່ມຂອງໂຮງຮຽນ”.

(ແຫຼ່ງຄັດຈາກ VOV)

ເຫັນ​ດີ​ເປັນ​ເອ​ກະ​ພາບ​ບັນ​ດາບັນ​ຫາ​ຈຸດ​ສຸມ, ບຸ​ລິ​ມະ​ສິດ​ໃນ​ການ​ຮ່ວມ​ມື​ຂອງ ອາ​ຊຽນ​ໃນ​ປີ 2023

ເຫັນ​ດີ​ເປັນ​ເອ​ກະ​ພາບ​ບັນ​ດາບັນ​ຫາ​ຈຸດ​ສຸມ, ບຸ​ລິ​ມະ​ສິດ​ໃນ​ການ​ຮ່ວມ​ມື​ຂອງ ອາ​ຊຽນ​ໃນ​ປີ 2023

ທ່ານລັດຖະມົນຕີ ບຸຍແທັງເຊີນ ກໍ່ຢັ້ງຢືນວ່າ: ຫວຽດນາມ ຈະເຂົ້າຮ່ວມ ແລະ ປະກອບສ່ວນຢ່າງຕັ້ງໜ້າ, ມີຄວາມຮັບຜິດຊອບ ຕໍ່ການປຶກສາຫາລືບັນດາມາດຕະການຍົກສູງກຳລັງຄວາມສາມາດດ້ານລະບອບລະບຽບການຂອງ ອາຊຽນ

Top