ຂ່າວສານ

ຫວຽດນາມ, ຍີ່ປຸ່ນ ເປັນປະທານຮ່ວມກອງປະຊຸມສຳມະນາສາກົນກ່ຽວກັບຄວາມຮັບຮູ້ໃນຂົງເຂດເດີນເຮືອ

22/02/2020

ວັນທີ 20 ກຸມພາ, ກອງປະຊຸມສຳມະນາຮ່ວມມືສາກົນຄັ້ງທີ 2 ກ່ຽວກັບຄວາມຮັບຮູ້ໃນຂົງເຂດເດີນເຮືອ ເຊິ່ງດຳເນີນຢູ່ນະຄອນຫລວງ ໂຕກຽວ, ປະເທດ ຍີ່ປຸ່ນ, ພາຍໃຕ້ການເປັນປະທານຂອງ ຍີ່ປຸ່ນ ແລະ ຫວຽດນາມ. ນີ້ແມ່ນເຫດການຢ່າງເປັນທາງການທີ່ນອນໃນຂອບເຂດຂອງເວທີປາໄສພາກພື້ນ ອາຊຽນ (ARF).

ຫວຽດນາມ, ຍີ່ປຸ່ນ ເປັນປະທານຮ່ວມກອງປະຊຸມສຳມະນາສາກົນກ່ຽວກັບຄວາມຮັບຮູ້ໃນຂົງເຂດເດີນເຮືອ (ພາບ: TTXVN)

ທີ່ກອງປະຊຸມສຳມະນາ, ບັນດາຜູ້ແທນໄດ້ຮັບຟັງການລາຍງານຫົວເລື່ອງສະເພາະກ່ຽວກັບບັນດາບັນຫາຄື: ເລື່ອງນຳໃຊ້ກຳລັງຄວາມສາມາດຮັບຮູ້ໃນຂົງເຂດເດີນເຮືອ, ບັນດາກົນໄກລະຫວ່າງຂະແໜງ ແລະ ການຮ່ວມມືສາກົນ ເພື່ອຮັບມືຕໍ່ບັນດາສິ່ງທ້າທາຍໃນຂົງເຂດເດີນເຮືອ, ໃນນັ້ນ ມີບັນຫາໂຈນສະລັດ, ການກໍ່ການຮ້າຍໃນທະເລ ແລະ ບັນດາການເຄື່ອນໄຫວຫາປາຜິດກົດໝາຍ, ບໍ່ລາຍງານ ແລະ ບໍ່ປະຕິບັດຕາມຂໍ້ກຳນົດ.

ແລະກໍ່ໃນກອງປະຊຸມສຳມະນາ, ບັນດາຜູ້ແທນໄດ້ເຫັນດີເປັນເອກະພາບຕໍ່ຄວາມຈຳເປັນ ຕ້ອງເພີ່ມທະວີການຮ່ວມມື ແນໃສ່ຍົກສູງຄວາມຮັບຮູ້ໃນຂົງເຂດເດີນເຮືອ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.