ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ
ຕ້ອນຮັບຄະນະກຳມະການເສດຖະກິດ ຍີ່ປຸ່ນ - ຫວຽດນາມ
ທີ່ການຕ້ອນຮັບໄດ້ດຳເນີນໃນຕອນບ່າຍວັນທີ 23/08 ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຊົມເຊີຍທ່ານ Takahashi Kyohei ແລະ ທ່ານ Nakamura Kuniharu ເປັນປະທານຮ່ວມຄະນະກຳມະການເສດຖະກິດ ຍີ່ປຸ່ນ - ຫວຽດນາມ ຂຶ້ນກັບສະຫະພັນບັນດາອົງການເສດຖະກິດ ຍີ່ປຸ່ນ ແລະ ບັນດາສະມາຊິກໃນຄະນະມາ ຫວຽດນາມ ເຂົ້າຮ່ວມກອງປະຊຸມຂັ້ນສູງເລີ່ມປະຕິບັດຂໍ້ລິເລີ່ມຮ່ວມ ຫວຽດນາມ - ຍີ່ປຸ່ນ ໄລຍະ 6. ທ່ານນາຍົກລັດຖະມົນຕີຢືນຢັນວ່າ: ລັດຖະບານ ຫວຽດນາມ ຍາມໃດກໍ່ຖືເປັນສຳຄັນ ແລະ ສະໜັບສະໜູນ, ສ້າງທຸກເງື່ອນໄຂ ເພື່ອໃຫ້ບັນດາວິສາຫະກິດ ຍີ່ປຸ່ນ ເຂົ້າມາລົງທຶນ, ທຳມາຄ້າຂາຍຍາວນານ ແລະ ປະສົບຜົນສຳເລັດຢູ່ ຫວຽດນາມ. ບັນດາໂຄງການຂອງ ຍີ່ປຸ່ນ ໄດ້ຮັບການຜັນຂະຫຍາຍຢ່າງມີປະສິດທິຜົນ ແລະ ເຂັ້ມງວດໂດຍພື້ນຖານ. ທ່ານນາຍົກລັດຖະມົນຕີຫວັງວ່າ: ໃນໄລຍະຈະມາເຖິງ, ດ້ວຍການປະກອບສ່ວນຂອງສະຫະພັນບັນດາອົງການເສດຖະກິດ ຍີ່ປຸ່ນ ຈະສ້າງກະແສການລົງທຶນໃຫຍ່, ມີຄຸນນະພາບກ່ວາອີກຈາກ ຍີ່ປຸ່ນ ເຂົ້າ ຫວຽດນາມ. ລັດຖະບານ ຫວຽດນາມ ປາດຖະໜາວ່າ: ການຮ່ວມມືໃນຂອບເຂດຂໍ້ລິເລີ່ມຮ່ວມ ຫວຽດນາມ - ຍີ່ປຸ່ນ ຈະໄດ້ຮັບການຍົກຂຶ້ນສູ່ລະດັບສູງໃໝ່. ລັດຖະບານ ຫວຽດນາມ ຈະສືບຕໍ່ປັບປຸງສະພາບແວດລ້ອມແຫ່ງການລົງທຶນໃຫ້ແຂງແຮງກ່ວາອີກ, ຖືຜົນສຳເລັດຂອງບັນດານັກລົງທຶນ ຍີ່ປຸ່ນ ແມ່ນຜົນສຳເລັດຂອງ ຫວຽດນາມ.ຕ້ອນຮັບຄະນະກຳມະການເສດຖະກິດ ຍີ່ປຸ່ນ - ຫວຽດນາມ
ສ່ວນທ່ານ Takahashi Kyohei ຕີລາຄາວ່າ: ຫວຽດນາມ ມີທີ່ຕັ້ງສຳຄັນທີ່ສຸດສຳລັບບັນດາວິສາຫະກິດ ຍີ່ປຸ່ນ ແລະ ຖືວ່າ: ໝາກຜົນດັ່ງກ່າວ ສະແດງໃຫ້ເຫັນຄວາມມານະພະຍາຍາມຕັ້ງໜ້າຂອງ ລັດຖະບານ ແລະ ປະຊາຊົນ 2 ປະເທດ. ເລື່ອງ ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດຢູ່ ຫວຽດນາມ ສວນບົດບາດສຳຄັນທີ່ສຸດໃນການພັດທະນາສາຍພົວພັນລະຫວ່າງ 2 ປະເທດ.
ແລະກໍ່ໃນຕອນບ່າຍວັນດຽວກັນ, ທີ່ການຕ້ອນຮັບຄະນະປະຕິບັດງານຄະນະກຳມະການເສດຖະກິດ ຍີ່ປຸ່ນ - ຫວຽດນາມ. ທ່ານປະທານປະເທດ ຫວຽດນາມ ເຈີ່ນດ້າຍກວາງ ຢືນຢັນວ່າ: ລັດຖະບານ ຫວຽດນາມ ຍາມໃດກໍ່ກຳນົດ ຍີ່ປຸ່ນແມ່ນຄູ່ຮ່ວມມືສຳຄັນແຖວໜ້າ ແລະ ຍາວນານ, ປາດຖະໜາຢາກພ້ອມກັບ ຍີ່ປຸ່ນ ພັດທະນາການພົວພັນອັນດີງາມນີ້ໃຫ້ຮອບດ້ານ ແລະ ແທດຈິງກ່ວາອີກ. ທ່ານປະທານປະເທດ ຢືນຢັນວ່າ: ຫວຽດນາມ ຍາມໃດກໍ່ຮ່ວມເດີນທາງກັບບັນດານັກລົງທຶນ ຍີ່ປຸ່ນ.
ສ່ວນທ່ານປະທານຄະນະກຳມະການເສດຖະກິດ ຍີ່ປຸ່ນ - ຫວຽດນາມ Takahashi ຖືວ່າ: ຫວຽດນາມ ພວມຢູ່ໃນວິວັດການເຊື່ອມໂຍງຢ່າງເລິກເຊິ່ງກ້ວາງຂວາງ ດ້ວຍການເຂົ້າຮ່ວມບັນດາສັນຍາການຄ້າຄື: ສັນຍາຄູ່ຮ່ວມມືຂ້າມປາຊີຟິກ (TPP)…ຈະນຳມາເຊິ່ງໃຫ້ກາລະໂອກາດໃໝ່ຫລາຍຢ່າງໃນການຮ່ວມມືເສດຖະກິດລະຫວ່າງ 2 ປະເທດ.
(ແຫຼ່ງຄັດຈາກ VOV)
