ທ່ານ ຫງວຽນທ້ຽນເຍີນ ເຮັດວຽກກັບສະມາຄົມນັກຮົບເກົ່າ
(ພາບ: daidoanket.vn)
ສະມາຄົມນັກຮົບເກົ່າຫວຽດນາມປະກອບສ່ວນປຸກລຸກນ້ຳໃຈຮັກຊາດ, ຈິດໃຈມະຫາສາມັກຄີທົ່ວປວງຊົນທັງຊາດ. ນີ້ແມ່ນຄຳຢືນຢັນຂອງທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ທີ່ການເຮັດວຽກກັບສະມາຄົມນັກຮົບເກົ່າ ໃນຕອນບ່າຍວັນທີ 09/03. ທ່ານ ຫງວຽນທ້ຽນເຍີນ ເນັ້ນໜັກວ່າ, ໃນການເຄື່ອນໄຫວການຕ່າງປະເທດປະຊາຊົນ, ສະມາຄົມນັກຮົບເກົ່າຫວຽດນາມ ແມ່ນຊ່ອງສຳຄັນໃນການຮັກສາການພົວພັນ, ແມ່ນສາຍເຊື່ອມຕໍ່ລະຫວ່າງປະຊາຊົນ 3 ປະເທດ: ຫວຽດນາມ, ລາວ ແລະ ກຳປູເຈຍ. ແນວໂຮມປະເທດຊາດຫວຽດນາມ ຍາມໃດກໍ່ຖືສະມາຄົມນັກຮົບເກົ່າຫວຽດນາມ ແມ່ນອົງການສະມາຊິກສຳຄັນ, ປາດຖະໜາວ່າ 2 ຝ່າຍຈະສືບຕໍ່ສົມທົບກັນໃນໄລຍະຕໍ່ໄປໃຫ້ເປັນຢ່າງດີ. ທ່ານ ຫງວຽນທ້ຽນເຍີນ ຢືນຢັນວ່າ ສະມາຄົມນັກຮົບເກົ່າແມ່ນແກ່ນສານສຳຄັນໃນການເຄື່ອນໄຫວຕິດຕາມກວດກາຂອງແນວໂຮມ. ກ່ຽວກັບວຽກງານຕິດຕາມກວດກາການປ້ອງກັນ, ຕ້ານການສໍ້ລາດບັງຫຼວງ, ທ່ານ ຫງວຽນທ້ຽນເຍີນ ປາດຖະໜາວ່າ, ສະມາຄົມນັກຮົບເກົ່າຈະແມ່ນຂົວຕໍ່ຮັບບັນດາຂໍ້ມູນສ່ອງແສງການຫຍໍ້ທ້ໍຂອງປະຊາຊົນເພື່ອສົ່ງເຖິງແນວໂຮມປະເທດຊາດ.
(ແຫຼ່ງຄັດຈາກ VOV)
