ສສຊ ປະກອບຄຳເຫັນທີ່ສະພາແຫ່ງຊາດ
(ພາບປະກອບ: baochinhphu.vn)
ຕອນເຊົ້າວັນທີ 28/3, ສະພາແຫ່ງຊາດ ຫວຽດນາມ ໄດ້ປຶກສາຫາລືຮ່າງບົດລາຍງານອາຍຸການຊຸດທີ 13 ຂອງສະພາແຫ່ງຊາດ. ທີ່ວາລະປຶກສາຫາລື, ຄຽງຂ້າງການຕີລາຄາສູງບັນດາການເຄື່ອນໄຫວຂອງສະພາແຫ່ງຊາດ ແລະ ບັນດາຄະນະສະມາຊິກສະພາແຫ່ງຊາດ (ສສຊ) ໃນການເຄື່ອນໄຫວສ້າງລັດຖະທຳມະນູນ, ສ້າງກົດໝາຍ, ຂໍ້ຕົກລົງບັນດາບັນຫາເສດຖະກິດ - ສັງຄົມ, ການເຄື່ອນໄຫວຊັກຖາມ ແລະ ຕອບຄຳຊັກຖາມ, ລົງຄະແນນສຽງໄວ້ວາງໃຈ… ບັນດາ ສສຊ ກໍໄດ້ປະກອບຫຼາຍຄຳເຫັນກ່ຽວຂ້ອງເຖິງການເຄື່ອນໄຫວຕິດຕາມກວດກາ, ຄຸນນະພາບຂອງການສ້າງກົດໝາຍ ແລະ ຄຸນນະພາບຂອງ ສສຊ. ອາຍຸການສະພາແຫ່ງຊາດຊຸດທີ 13 ໄດ້ຮັບຮອງເອົາລັດຖະທຳມະນູນ ແລະ ກົດໝາຍ, ປະມວນກົດໝາຍກ່ວາ 100 ສະບັບ, ປະກອບສ່ວນສຳຄັນເຂົ້າໃນບັນດາຜົນງານລວມຂອງປະເທດຊາດໃນທຸກຂົງເຂດ. ກ່ຽວກັບຄຸນນະພາບຂອງ ສສຊ, ສສຊ ບາງທ່ານຖືວ່າ: ເຖິງວ່າຍັງມີຄວາມຫຍຸ້ງຍາກຫຼາຍຢ່າງກໍຕາມ ແຕ່ລັດ ແລະ ປະຊາຊົນໄດ້ສ້າງເງື່ອນໄຂອຳນວຍຄວາມສະດວກທີ່ສຸດເພື່ອໃຫ້ ສສຊ ເຄື່ອນໄຫວ. ທ່ານ ຫງວຽນວັນຕວຽດ, ສສຊ ແຂວງ ບ່າເຣ້ຍ - ຫວູງເຕົາ, ສະເໜີວ່າ: ສະພາແຫ່ງຊາດຄວນເພີ່ມຈຳນວນ ສສຊ ສະເພາະກິດໃນອາຍຸການຕໍ່ໄປ:
“ເລື່ອງເພີ່ມຈຳນວນ ສສຊ ສະເພາະກິດ, ເພີ່ມອັດຕາ ສສຊ ທີ່ມີກຳລັງຄວາມສາມາດ, ມີລະດັບຄວາມຮູ້ ໄດ້ປະກອບສ່ວນຮັບປະກັນໃຫ້ແກ່ການປະຕິບັດໜ້າທີ່, ສິດອຳນາດຂອງ ສະພາແຫ່ງຊາດ. ສສຊ ສະເພາະກິດກາຍເປັນກຳລັງຫຼັກແຫຼ່ງແກ່ນສານຂອງສະພາແຫ່ງຊາດ, ບັນດາອົງການຂອງສະພາແຫ່ງຊາດ ແລະ ຄະນະສສຊຢ່າງແທ້ຈິງ.”
“ເລື່ອງເພີ່ມຈຳນວນ ສສຊ ສະເພາະກິດ, ເພີ່ມອັດຕາ ສສຊ ທີ່ມີກຳລັງຄວາມສາມາດ, ມີລະດັບຄວາມຮູ້ ໄດ້ປະກອບສ່ວນຮັບປະກັນໃຫ້ແກ່ການປະຕິບັດໜ້າທີ່, ສິດອຳນາດຂອງ ສະພາແຫ່ງຊາດ. ສສຊ ສະເພາະກິດກາຍເປັນກຳລັງຫຼັກແຫຼ່ງແກ່ນສານຂອງສະພາແຫ່ງຊາດ, ບັນດາອົງການຂອງສະພາແຫ່ງຊາດ ແລະ ຄະນະສສຊຢ່າງແທ້ຈິງ.”
(ແຫຼ່ງຄັດຈາກ VOV)
