ຂ່າວສານ

ມີຕູ້ ATM ຫຼາຍຕູ້ໂດຍແຈກເຂົ້າສານບໍ່ເກັບຄ່າເພື່ອຊ່ວຍໜູນຜູ້ທຸກຍາກຍ້ອນ Covid – 19

20/04/2020

ດ້ວຍຄວາມຫວັງຢາກຊ່ວຍເຫຼືອບັນດາຜູ້ປະສົບກັບຄວາມຫຍຸ້ງຍາກໃນໄລຍະເກີດໂລກລະບາດ Covid – 19, ນັກຮຽນສັງກັດໂຮງຮຽນມັດຖະຍົມຕອນປາຍ ເລືອງວັນແຈັ້ງ (ນະຄອນຕຸຍຮ່ວາ, ແຂວງຝູອຽນ) ໄດ້ປະດິດສ້າງ ຮູບແບບ ຕູ້ ATM ແຈກເຂົ້າສານບໍ່ເກັບຄ່າຊ່ວຍໜູນຜູ້ທຸກຍາກ. ຕູ້ ATM ເຂົ້າສານຖືກຕັ້ງຢູ່ໃນໂຮງຮຽນແລະ ເລີ່ມເຄື່ອນໄຫວນັບແຕ່ຕອນເຊົ້າວັນທີ 19 ເມສາ.

ພາບປະກອບ: Dansinh.vn

ກ່ອນໜ້ານັ້ນ ໃນວັນທີ 18 ເມສາ, ມີຕູ້ ATM ເຂົ້າສານ ຫຼາຍຕູ້ກໍ່ໄດ້ຖືກນຳເຂົ້າເຄື່ອນໄຫວ. ສຳລັບຕູ້ ATM ແຈກເຂົ້າສານຕູ້ທຳອິດເພື່ອຊ່ວຍໜູນຜູ້ປະສົບກັບຄວາມຫຍຸ້ງຍາກຢູ່ ຫ໋າຍຝ່ອງໄດ້ຮັບເອົາແຫຼ່ງເຂົ້າສານບໍລິຈາກ ຂອງບັນດາອົງການ, ສ່ວນບຸກຄົນ, ຜູ້ໃຈບຸນໃຈກຸສົນ. ສ່ວນຕູ້ ATM ແຈກເຂົ້າສານຕູ້ທຳອິດຢູ່ແຂວງຮ່ານາມ ແມ່ນເພື່ອຊ່ວຍໜູນບັນດາຄອບຄົວ, ກຳມະກອນຜູ້ອອກແຮງງານທີ່ປະສົບກັບຄວາມຫຍຸ້ງຍາກຍ້ອນ Covid – 19, ແຕ່ລະຄົນໄດ້ຮັບເຂົ້າສານໂດຍບໍ່ເສຍຄ່າ 5 kg. ນອກຈາກນັ້ນຢູ່ ແຂວງອານຢາງ, ແຂວງແຄັງຮ່ວາ ໃນວັນທີ 18 ເມສາ ກໍ່ໄດ້ນຳຕູ້ແຈກເຂົ້າສານໂດຍບໍ່ເກັບຄ່າ ເຂົ້າເຄື່ອນໄຫວເພື່ອຊ່ວຍເຫຼືອຜູ້ປະສົບກັບຄວາມຫຍຸ້ງຍາກ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.