ພິທີມອບລາງວັນສື່ມວນຊົນທົ່ວປະເທດກ່ຽວກັບການກໍ່ສ້າງພັກ - ຄ້ອນຕີກ່ຽວຄຳ
ຕອນຄຳ່ວັນທີ 03/02 ຢູ່ຮ່າໂນ້ຍ, ຄະນະຈັດຕັ້ງສູນກາງຈັດຕັ້ງພິທີມອບລາງວັນສື່ມວນຊົນທົ່ວປະເທດກ່ຽວກັບການກໍ່ສ້າງພັກ - ຄ້ອນຕີກ່ຽວຄຳ. ເຂົ້າຮ່ວມພິທີມີທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູຈ້ອງ ພ້ອມດ້ວຍບັນດາການນຳ, ອະດີດການນຳພັກ, ລັດ. ກ່າວຄຳເຫັນທີ່ພິທີ, ທ່ານ ຟ້າມມີງຈິ໋ງ ຫົວໜ້າຄະນະຈັດຕັ້ງສູນກາງໃຫ້ຮູ້ວ່າ: ນີ້ແມ່ນລາງວັນສື່ມວນຊົນທີ່ມີຂອບຂະໜາດໃຫຍ່, ມີຄວາມໝາຍດ້ານການເມືອງຢ່າງເລິກເຊິ່ງ ເພື່ອແນໃສ່ໂຄສະນາກ່ຽວກັບພັກ, ປະກອບສ່ວນຊຸກຍູ້ວຽກງານກໍ່ສ້າງ, ປັບປຸງພັກ ແລະ ຕໍ່ສູ້, ສະກັດກັ້ນ, ຍູ້ອາດຍາສິດ, ການສໍ້ລາດບັງຫລວງ, ການຟຸມເຟືອຍຫຍໍ້ທໍ້ໃຫ້ຖອຍໄປ; ຕອບສະໜອງຄວາມມຸ່ງມາດປາດຖະໜາ ແລະ ຄວາມສຸດຈິດສຸດໃຈຕໍ່ວຽກງານກໍ່ສ້າງພັກຂອງບັນດານັກຂ່າວ, ພະນັກງານສະມາຊິກພັກ ແລະ ພໍ່ແມ່ປະຊາຊົນໃນທົ່ວປະເທດ. ບັນດາບົດໜັງສືພິມຍາດໄດ້ລາງວັນ ເຊິ່ງຖືກນຳສະເໜີທາງພາຫະນະສື່ມວນຊົນ ໄດ້ປະກອບສ່ວນປ່ຽນໃໝ່ວິທີໂຄສະນາ ນຳມະຕິຂອງພັກເຂົ້າສູ່ຊີວິດ; ຊອກຫາມາດຕະການປະຕິບັດບັນດາມະຕິສູນກາງ 4 ຊຸດທີ 11 ແລະ 12 ກ່ຽວກັບການກໍ່ສ້າງພັກ, ປັບປຸງພັກຢ່າງມີປະສິດທິຜົນ.ຄະນະຈັດຕັ້ງໄດ້ເລືອກເຟັ້ນບັນດາບົດຂຽນດີເດັ່ນທີ່ສຸດເພື່ອມອບລາງວັນ, ໃນນັ້ນມີ 3 ລາງວັນ A, 7 ລາງວັນ B, 12 ລາງວັນ C ແລະ 25 ລາງວັນຊົມເຊີຍ.
(ແຫຼ່ງຄັດຈາກ VOV)
