ທ່ານນາງປະທານສະພາແຫ່ງຊາດ ຫງວຽນທິກີມເງິນ
ຕອນເຊົ້າວັນທີ 26/08 ຢູ່ແຂວງ ນາມດິງ ໄດ້ດຳເນີນກອງປະຊຸມປະຈຳສະພາປະຊາຊົນບັນດາແຂວງ, ນະຄອນເຂດທົ່ງພຽງແມ່ນ້ຳແດງ ແລະ ແຄມທະເລພາກເໜືອຄັ້ງທີ 1 ອາຍຸການ 2016 – 2021. ໂດຍມີການເຂົ້າຮ່ວມຂອງທ່ານນາງປະທານສະພາແຫ່ງຊາດ ຫງວຽນທິກີມເງິນ. ບັນດາຜູ້ແທນເຂົ້າຮ່ວມກອງປະຊຸມປຶກສາຫາລືກ່ຽວກັບການເຄື່ອນໄຫວຊັກຖາມ ແລະ ຕອບຄຳຊັກຖາມໃນບັນດາກອງປະຊຸມຂອງສະພາປະຊາຊົນ ແລະ ຖືວ່າ: ການເຄື່ອນໄຫວນີ້ ຈະສ້າງເວທີປາໄສປະຊາທິປະໄຕ, ສະແດງໃຫ້ເຫັນສິດອຳນາດຂອງອົງການໂດຍປະຊາຊົນເລືອກຕັ້ງຢູ່ທ້ອງຖິ່ນ, ສະແດງໃຫ້ເຫັນບົດບາດຕັ້ງໜ້າຂອງແຕ່ລະສະມາຊິກສະພາປະຊາຊົນ ກໍ່ຄືຄວາມຮັບຜິດຊອບຂອງການນຳບັນດາອົງການສຳນັກງານ ສຳລັບບັນດາບັນຫາ ເຊິ່ງຜູ້ມີສິດເລືອກຕັ້ງສົນໃຈ. ກອງປະຊຸມກໍ່ປຶກສາຫາລືກ່ຽວກັບບັນດາການເຄື່ອນໄຫວຕິດຕາມກວດກາອື່ນໆ ຂອງສະພາປະຊາຊົນ ແລະ ສະເໜີບັນດາມາດຕະການແກ້ໄຂສິ່ງທີ່ຍັງຄົງຄ້າງ, ຈຳກັດໃນບັນດາການເຄື່ອນໄຫວນີ້.
(ແຫຼ່ງຄັດຈາກ VOV)
