ຂ່າວສານ

ນັກຊ່ຽວຊານລັດເຊຍ: ຜົນສຳເລັດຂອງຫວຽດນາມ ອາດຖືວ່າ ແມ່ນ “ປະກົດການ” ຂອງປີ 2020

02/01/2021

ທ່ານສາດສະດາຈານ Vladimir Mazyrin, ການນຳສູນຄົ້ນຄວ້າ ຫວຽດນາມ ແລະ ອາຊຽນຂອງສະຖາບັນຕາເວັນອອກໄກຂຶ້ນກັບສະພາມະຫາບັນດິດວິທະຍາສາດລັດເຊຍ ໃຫ້ຂໍ້ສັງເກດວ່າ ຜົນສຳເລັດຂອງ ຫວຽດນາມ ໃນປີ 2020 ອາດຖືວ່າແມ່ນ “ປະກົດການ”.

(ພາບປະກອບ/TTXVN)

ເມື່ອຕອບສຳພາດຕໍ່ Sputnik, ທ່ານສາດສະດາຈານ Mazyrin ໃຫ້ຮູ້ວ່າ ໝາກຜົນຕັ້ງໜ້າໃນສະພາບການຊຸດໂຊມ ແລະ ວິກິດການລວມ. ທ້າຍປີ 2020, ຫວຽດນາມ ບັນລຸລະດັບການເຕີບໂຕ 2,91%. ນີ້ແມ່ນຜົນສຳເລັດອັນໃຫຍ່ຫລວງ, ແນ່ນອນວ່າ ຈະຊ່ວຍໃຫ້ ຫວຽດນາມ ບືນຕົວຂຶ້ນອັນດັບສູງກ່ວາໃນບັນດາຕາຕະລາງທັງໝົດຂອງໂລກໃນໄລຍະຈະມາເຖິງ.

ຕາມທ່ານສາດສະດາຈານ Mazyrin ແລ້ວ, ຢູ່ ຫວຽດນາມ, ການຊຸດໂຊມການເຄືື່ອນໄຫວເສດຖະກິດດຳເນີນໃນໄລຍະສັ້ນ, ແມ່ນໃນໄຕມາດ 2 ປີ 2020 - ໄລຍະຈຸດສູງຂອງບັນດາມາດຕະການຕ້ານໂລກລະບາດໂຄວິດ-19. ໄຕມາດ 3, ເສດຖະກິດເຕີບໂຕ 2,69%, ໄຕມາດ 4 ແມ່ນ 4,48%. ຄາດຄະເນວ່າ ໃນໄຕມາດ 1 ປີ 2021, ບັນດາຕົວເລກດັ່ງກ່າວຈະສູງກ່ວາ.

ນັກຊ່ຽວຊານ ລັດເຊຍ ສະຫລຸບວ່າ: ໃນປີ 2020, ຢູ່ ຫວຽດນາມ, ທຸກການຊຸດໂຊມລ້ວນແຕ່ບໍ່ມີລັກສະນະຫຍໍ້ທໍ້, ບໍ່ແມ່ນຕົວເລກລົບ. ສະນັ້ນ, ຕົວເລກເຕີບໂຕ GDP ຂອງຫວຽດນາມ ປີ 2020 ອາດຈະແມ່ນ 6 – 7%.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.