ທ່ານປະທານປະເທດ ຫງວຽນຊວັນຟຸກ ພົບປະກັບພະນັກງານນັກຮົບຕຳຫຼວດ ນະຄອນໂຮ່ຈີມິນ (ພາບ: VOV)

ຕອນເຊົ້າວັນທີ 24 ມັງກອນ, ໃນການປະຕິບັດງານຢູ່ນະຄອນ ໂຮ່ຈີມິນ, ທ່ານປະທານປະເທດ ຫງວຽນຊວັນຟຸກ, ປະທານສະພາການປ້ອງກັນຊາດ ແລະ ປ້ອງກັນຄວາມສະຫງົບ, ຜູ້ບັນຊາການສູງສຸດບັນດາກຳລັງປະກອບອາວຸດ ໄດ້ໄປຢ້ຽມຢາມ, ກວດກາວຽກງານ ປະຈຳການກຽມພ້ອມການສູ້ຮົບເພື່ອປົກປ້ອງບຸນເຕັດປະຈຳຊາດປີຂານ 2022 ຢູ່ຕຳຫຼວດນະຄອນໂຮ່ຈີມິນ. ກ່າວຄຳເຫັນຊີ້ນຳ, ທ່ານປະທານປະເທດ ຫງວຽນຊວັນຟຸກ ເນັ້ນໜັກວ່າ ໃນສະພາບການບັນດາກຳລັງທີ່ເປັນປໍລະປັກສືບຕໍ່ສວຍໃຊ້ທຸກກົນອຸບາຍທັບມ້າງທຳລາຍ, ສະພາບການຄວາມໝັ້ນຄົງທາງເຄືອຂ່າຍອິນເຕີແນັດ, ຄວາມໝັ້ນຄົງແບບໃໝ່ ມີການຜັນແປຢ່າງສັບສົນ, ຍາກທີ່ຈະຄາດຄະເນລ່ວງໜ້າໄດ້… ຕຳຫຼວດນະຄອນໂຮ່ຈີມິນ ຄວນກຳແໜ້ນສະພາບການ, ເປັນເຈົ້າການສົມທົບກັບທຸກຂັ້ນ, ທຸກຂະແໜງການ, ສະກັດກັ້ນຢ່າງທັນການ, ເດັດດ່ຽວຕໍ່ສູ້ເພື່ອຮັບປະກັນຄວາມໝັ້ນຄົງທາງການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ປະຕິບັດບົດບາດນຳໜ້າ, ປະຈັນບານໃນການຮັບປະກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍ ໃນເວລາກ່ອນ, ໃນ ແລະ ຫຼັງ ບຸນເຕັດປະຈຳຊາດປີຂານ 2022 ໃຫ້ເປັນຢ່າງດີ.

ຖັດຈາກນັ້ນ, ທ່ານປະທານປະເທດ ຫງວຽນຊວັນຟຸກ ໄດ້ລົງຢ້ຽມຢາມ, ເຮັດວຽກກັບກອງບັນຊາການນະຄອນໂຮ່ຈີມິນ.

(ແຫຼ່ງຄັດຈາກ VOV)