ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຖະຫວາຍທູບທຽນອາໄລຫາບັນດານັບຮົບທີ່ເສຍຊີວິດເພື່ອຊາດ ຢູ່ແຂວງ ກ໋ວາງນາມ (ພາບ: TTXVN)

ເນື່ອງໃນໂອກາດ ສະເຫຼີມສະຫຼອງ 72 ປີ ແຫ່ງວັນທະຫານເສຍອົງຄະ - ນັກຮົບເສຍຊີວິດເພື່ອຊາດ ( 27 ກໍລະກົດ 1947 – 27 ກໍລະກົດ 2019), ວັນທີ 27 ກໍລະກົດ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ໄປຖະຫວາຍທູບທຽນອາໄລຫາບັນດານັບຮົບທີ່ເສຍຊີວິດເພື່ອຊາດ ຢູ່ແຂວງ ກ໋ວາງນາມ.

        ທ່ານນາຍົກລັດຖະມົນຕີໄດ້ຖະຫວາຍທູບທຽນຢູ່ ອະນຸສາວະລີ ແອງລິງ, ວິຫານບູຊານັກຮົບເສຍຊີວິດເພື່ອຊາດພູເກ໊, ບ່ອນທີ່ມີສິລາຈາລຶກ ຂອງນັກຮົບ 40 ຄົນຂອງ  ກອງຮ້ອຍ 1, ກອງພັນທະຫານພິເສດ 409,  ທະຫານເຂດ 5 ທີ່ໄດ້ເສຍຊີວິດເພື່ອຊາດໃນຄ່ຳວັນທີ 11 ພຶດສະພາ 1969 ຢູ່ພູເກ໊.

 (ແຫຼ່ງຄັດຈາກ VOV)