(ທ່ານປະທານປະເທດເຈີນດ້າຍກວາງຢ້ຽມຢາມ,
ອວຍພອນບຸນເຕັດໃນໂອກາດສົ່ງທ້າຍປີເກົ່າຕ້ອນຮັບປີໃໝ່)
ຄ່ຳຄືນວັນທີ 27/01 (ກົງກັບວັນທີ 30 ບຸນເຕັດ), ທ່ານປະທານປະເທດ ເຈີນດ້າຍກວາງ ພ້ອມກັບການນຳຫ້ອງວ່າການປະທານປະເທດ ໄດ້ໄປຢ້ຽມຢາມ ແລະ ກວດກາວຽກງານປະຈຳການ, ປະຈຳການສູ້ຮົບເພື່ອບັນຊາຮັບປະກັນຄວາມສະຫງົບປອດໄພບຸນເຕັດປີລະກາ ຂອງກຳລັງຕຳຫຼວດຜ່ານລະບົບໂທລະພາບໂດຍກົງຜ່ານເຄືອຂ່າຍອີນເຕີແນັດ. ທ່ານປະທານປະເທດ ເຈີນດ້າຍກວາງ ໄດ້ຕີລາຄາສູງໜ້າທີ່ຮັບຜິດຊອບເລື່ອງຈັດຕັ້ງວຽກງານປະຈຳການ, ປະຈຳການສູ້ຮົບເພື່ອບັນຊາຂອງກຳລັງຕຳຫຼວດປະຊາຊົນໃນຊຸນມື້ຜ່ານມາ, ພ້ອມທັງສະເໜີກຳລັງຕຳຫຼວດໃນທົ່ວປະເທດຈັດຕັ້ງວຽກງານປະຈຳການເພື່ອບັນຊາ, ປະຈຳການ, ປະຈຳການສູ້ຮົບ, ກຽມພ້ອມບັນດາວິທີການເພື່ອປ້ອງກັນ, ຕ້ານອາດຊະຍາກຳເພື່ອແກ້ໄຂຢ່າງທັນການບັນດາເຫດການໂດຍບັງເອີນ, ຮັບປະກັນໃຫ້ປະຊາຊົນຕ້ອນຮັບບຸນເຕັດ ໃນຄວາມສະຫງົບສຸກ. ເມື່ອມາຢ້ຽມຢາມ, ອວຍພອນບຸນເຕັດອົງຄະນະພັກ, ອຳນາດການປົກຄອງ ແລະ ປະຊາຊົນນະຄອນຮ່າໂນ້ຍ, ທ່ານປະທານປະເທດ ເຊື່ອໝັ້ນວ່າ, ກ້າວເຂົ້າສູ່ປີໃໝ່ 2017, ອຳນາດການປົກຄອງຂອງຮ່າໂນ້ຍ ສືບຕໍ່ເສີມຂະຫຍາຍມູນເຊືອອະລິຍະທຳນັບພັນປີ, ນະຄອນຫຼວງວິລະຊົນ, ນະຄອນແຫ່ງສັນຕິພາບ, ເພື່ອປະຕິບັດບັນດາໜ້າທີ່ສຳຄັນເຊິ່ງພັກ, ລັດ ແລະ ປະຊາຊົນ ມອບໝາຍໃຫ້ເປັນຢ່າງດີ.ອວຍພອນບຸນເຕັດໃນໂອກາດສົ່ງທ້າຍປີເກົ່າຕ້ອນຮັບປີໃໝ່)
ແລະກໍໃນຕອນຄ່່ຳວັນທີ 28/01, ທ່ານປະທານປະເທດ ເຈີນດ້າຍກວາງ ໄດ້ໄປຢ້ຽມຢາມ, ອວຍພອນປີໃໝ່ພະນັກງານ, ພາລະກອນໂຮງໝໍຫຼາຍຂະແໜງ ແຊນຟອນ, ຢ້ຽມຢາມ ແລະ ມອບຂອງຂວັນໃຫ້ຄົນເຈັບຈຳນວນໜຶ່ງທີ່ພວມປິ່ນປົວຢູ່ໂຮງໝໍ, ຢ້ຽມຢາມ ແລະ ອວຍພອນປີໃໝ່ໜ່ວຍກຳມະກອນສິ່ງແວດລ້ອມເລກ 5.
(ແຫຼ່ງຄັດຈາກ VOV)
