ຂ່າວສານ
ທ່ານນາຍົກລັດຖະມົນຕີ ຫງວຽນຊວັນຟຸກ ເຂົ້າຮ່ວມກອງປະຊຸມສະຫຼຸບວຽກງານ 10 ປີ ແຫ່ງການກໍ່ສ້າງຊົນນະບົດໃໝ່ຢູ່ຮ່າໂນ້ຍ
ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ພ້ອມດ້ວຍບັນດາຜູ້ແທນ ໄດ້ເຂົ້າຮ່ວມພິທີຕັດແຖບຜ້າ ເປີດງານຕະຫຼາດນັດຜະລິດຕະພັນກະເສດເຄື່ອງຫັດຖະກໍາ ແລະ ຜະລິດຕະພັນ OCOP ຂອງນະຄອນ (ພາບ: VGP)
ນະທີ່ນີ້, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ຕີລາຄາສູງ ຄະນະພັກນະຄອນໂຮ່ໂນ້ຍ ໄດ້ເອົາໃຈໃສ່ເປັນພິເສດເຖິງການປະຕິບັດໜ້າທີ່ການເມືອງດັ່ງກ່າວ, ຫັນເນື້ອໃນຂອງໂຄງການ 02 ຂອງຄະນະພັກນະຄອນເປັນລະອຽດ, ຈາກນັ້ນ ໄດ້ນໍາມາເຊິ່ງໝາກຜົນເປັນໜ້າຊື່ນຊົມໃນການກໍ່ສ້າງຊົນນະບົດໃໝ່ ແມ່ນຄວາມຮັບຮູ້ກ່ຽວກັບກະສິກໍາ, ຊາວກະສິກອນ, ຊົນນະບົດຢ່າງຈະແຈ້ງ ແລະ ໄດ້ຫັນເປັນການກະທໍາລະອຽດ ຢູ່ຂັ້ນ, ຂະແໜງການຕ່າງໆ ແລະ ໃນລະບົບການເມືອງ. ກ່ຽວກັບໜ້າທີ່ກໍ່ສ້າງຊົນນະບົດໃໝ່ໃນໄລຍະຈະມາເຖິງ, ທ່ານນາຍົກລັດຖະມົນຕີສະເໜີວ່າ:
“ນະຄອນຮ່າໂນ້ຍ ບໍ່ພຽງແຕ່ເສີມຂະຫຍາຍທີ່ຕັ້ງເປັນໃຈກາງ, ນໍາໜ້າກ່ຽວກັບພາລະໜ້າທີ່ເປັນຕົວເມືອງເທົ່ານັ້ນ, ຫາກເຂດຊົນນະບົດຊານເມືອງ ກໍຕ້ອງກາຍເປັນ ແກ່ນສານໃນການພັດທະນາຢ່າງກ້າວໜ້າ ແລະ ນໍາໜ້າໃນທົ່ວປະເທດ. ຄວາມສາມາດບົ່ມຊ້ອນພິເສດຂອງເຂດຊົນນະບົດຮ່າໂນ້ຍ ບໍ່ພຽງແຕ່ແມ່ນຈຸດຄວາມງາມຂອງວັດທະນະທໍາເທົ່ານັ້ນ ຫາກຍັງແມ່ນຕົ້ນກໍາເນີນເພື່ອຊຸກຍູ້ການພັດທະນາເສດຖະກິດຊົນນະບົດອີກດ້ວຍ. ຮ່າໂນ້ຍ ຕ້ອງກໍານົດຢ່າງລະອຽດ ກ່ຽວກັບວຽກງານທີ່ຕ້ອງເຮັດໃນໄລຍະຈະມາເຖິງເພື່ອພັດທະນາເຂດຊົນນະບົດຢູ່ຮ່າໂນ້ຍ. ນີ້ແມ່ນໜ້າທີ່ໜັກໜ່ວງ ແລະ ໃຫຍ່ຫຼວງທີ່ສຸດ ສໍາລັບອໍານາດການປົກຄອງ ແລະ ປະຊາຊົນຮ່າໂນ້ຍ”.ກ່ອນທີ່ເຂົ້າຮ່ວມກອງປະຊຸມ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ພ້ອມດ້ວຍບັນດາຜູ້ແທນ ໄດ້ເຂົ້າຮ່ວມພິທີຕັດແຖບຜ້າ ເປີດງານຕະຫຼາດນັດຜະລິດຕະພັນກະເສດ, ເຄື່ອງຫັດຖະກໍາ ແລະ ຜະລິດຕະພັນ OCOP ຂອງນະຄອນ.
(ແຫຼ່ງຄັດຈາກ VOV)
