ຂ່າວສານ
ທ່ານນາຍົກລັດຖະມົນຕີຟ້າມມິງຈິງ: ປ້ອງກັນ, ຕ້ານໂລກລະບາດໂຄວິດ - 19 ແມ່ນຈຸດພົ້ນເດັ່ນທີ່ສຸດຂອງຂະແໜງສາທາລະນະສຸກໃນປີ 2021
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຖືວ່າ ປີ 2021 ທີ່ຜ່ານມາ ແມ່ນປີທີ່ມີຄວາມຫຍຸ້ງຍາກ, ສິ່ງທ້າທາຍນາໆປະການເຊິ່ງເກີດຈາກໂລກລະບາດໂຄວິດ - 19, ແຕ່ວ່າ ຫວຽດນາມ ຍັງຍາດໄດ້ຜົນສຳເລັດສຳຄັນຫຼາຍຢ່າງຄື: ຮັກສາສະຖຽນລະພາບດ້ານການເມືອງ, ປົກປັກຮັກສາຜືນແຜ່ນດິນອັນຄົບຖ້ວນ, ການພົວພັນຕ່າງປະເທດບັນລຸບາດກ້າວທີ່ສຳຄັນ, ສືບຕໍ່ເຊື່ອມໂຍງຢ່າງເລິກເຊິ່ງກ້ວາງຂວາງ, ຮັກສາເສດຖະກິດມະຫາພາກເປັນປົກກະຕິ, ຮັບປະກັນຄວາມດຸນດ່ຽງໃຫຍ່…
ທີ່ກອງປະຊຸມ, ທ່ານນາຍົກລັດຖະມົນຕີ ຮຽກຮ້ອງໃຫ້ ຂະແໜງສາທາລະນະສຸກ ຕ້ອງຫັນບັນດາມາດຕະການ, ນະໂຍບາຍ, ໂຄງການກະທຳໃນການປ້ອງກັນ, ຕ້ານໂລກລະບາດໂຄວິດ - 19 ເປັນລະອຽດ, ສືບຕໍ່ປະຕິບັດລະບົບ ກຽມພ້ອມການສູ້ຮົບ ໃນທຸກກໍລະນີ, ຜັນຂະຫຍາຍ ບັ້ນສັກວັກຊິນໂດຍໄວ ແລະ ມີຄວາມປອດໄພ, ຍູ້ໄວການສັກວັກຊິນໃຫ້ແກ່ເດັກນ້ອຍ, ສັກເຂັມເພີ່ມເຕີມ, ມີວິທີການເປີດໂຮງຮຽນຄືນໃໝ່ຢ່າງປອດໄພ ແລະ ມີປະສິດທິຜົນ.
(ແຫຼ່ງຄັດຈາກ VOV)
