ວັນທີ 20 ມັງກອນ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມຜັນຂະຫຍາຍວຽກງານດ້ານສາທາລະນະສຸກ ປີ 2022 ໂດຍກະຊວງສາທາລະນະສຸກ ຈັດຂຶ້ນແບບໂດຍກົງ ຢູ່ສຳນັກງານລັດຖະບານ ສົມທົບທາງໄກໂດຍມີການເຊື່ອມຕໍ່ກັບ 700 ແຫ່ງຢູ່ 63 ແຂວງ, ນະຄອນ ໃນທົ່ວປະເທດ.
ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: TTXVN)
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຖືວ່າ ປີ 2021 ທີ່ຜ່ານມາ ແມ່ນປີທີ່ມີຄວາມຫຍຸ້ງຍາກ, ສິ່ງທ້າທາຍນາໆປະການເຊິ່ງເກີດຈາກໂລກລະບາດໂຄວິດ - 19, ແຕ່ວ່າ ຫວຽດນາມ ຍັງຍາດໄດ້ຜົນສຳເລັດສຳຄັນຫຼາຍຢ່າງຄື: ຮັກສາສະຖຽນລະພາບດ້ານການເມືອງ, ປົກປັກຮັກສາຜືນແຜ່ນດິນອັນຄົບຖ້ວນ, ການພົວພັນຕ່າງປະເທດບັນລຸບາດກ້າວທີ່ສຳຄັນ, ສືບຕໍ່ເຊື່ອມໂຍງຢ່າງເລິກເຊິ່ງກ້ວາງຂວາງ, ຮັກສາເສດຖະກິດມະຫາພາກເປັນປົກກະຕິ, ຮັບປະກັນຄວາມດຸນດ່ຽງໃຫຍ່…
ທີ່ກອງປະຊຸມ, ທ່ານນາຍົກລັດຖະມົນຕີ ຮຽກຮ້ອງໃຫ້ ຂະແໜງສາທາລະນະສຸກ ຕ້ອງຫັນບັນດາມາດຕະການ, ນະໂຍບາຍ, ໂຄງການກະທຳໃນການປ້ອງກັນ, ຕ້ານໂລກລະບາດໂຄວິດ - 19 ເປັນລະອຽດ, ສືບຕໍ່ປະຕິບັດລະບົບ ກຽມພ້ອມການສູ້ຮົບ ໃນທຸກກໍລະນີ, ຜັນຂະຫຍາຍ ບັ້ນສັກວັກຊິນໂດຍໄວ ແລະ ມີຄວາມປອດໄພ, ຍູ້ໄວການສັກວັກຊິນໃຫ້ແກ່ເດັກນ້ອຍ, ສັກເຂັມເພີ່ມເຕີມ, ມີວິທີການເປີດໂຮງຮຽນຄືນໃໝ່ຢ່າງປອດໄພ ແລະ ມີປະສິດທິຜົນ.
(ແຫຼ່ງຄັດຈາກ VOV)