ທ່ານນາງຮອງປະທານປະເທດ ດັ້ງທິງອັກທິ້ງ (ພາບ: Ngoc Thang)
ຕອນບ່າຍວັນທີ 14 ພະຈິກ, ສະພາແຫ່ງຊາດຫວຽດນາມ ໄດ້ຮັບຟັງບົດສະເໜີລາຍງານກວດກາກ່ຽວກັບການສະເໜີສະພາແຫ່ງຊາດໃຫ້ສັດຕະຍາບັນສົນທິສັນຍາເພີ່ມເຕີມສົນທິສັນຍາກໍານົດຊາຍແດນແຫ່ງຊາດ ປີ 1985 ແລະ ສັນຍາເພີ່ມເຕີມປີ 2005 ລະຫວ່າງ ຫວຽດນາມ ແລະ ກໍາປູເຈຍ; ອະນຸສັນຍາຂີດຂັນປັກຫຼັກໝາຍຊາຍແດນທາງບົກ ຫວ່າງ ຫວຽດນາມ - ກໍາປູເຈຍ. ກ່າວບົດສະເໜີກ່ຽວກັບການໃຫ້ສັດຕະຍາບັນເອກະສານສອງສະບັບດັ່ງກ່າວ, ທ່ານນາງຮອງປະທານປະເທດຫວຽດນາມ ດັ້ງທິງອັກທິ້ງ ຢືນຢັນວ່າ:
“ເລື່ອງເຊັນສົນທິສັນຍາເພີ່ມເຕີມປີ 2019 ແລະ ອະນຸສັນຍາ ຂີດຂັນປັກຫຼັກໝາຍຊາຍແດນທາງບົກ ແມ່ນຂີດໝາຍປະຫວັດສາດ ກ່ຽວກັບຄວາມມານະພະຍາຍາມຂອງສອງປະເທດໃນການແກ້ໄຂບັນຫາຊາຍແດນ, ຊຶ່ງຈະສ້າງສະພາບການໃໝ່ກ່ຽວກັບຄວາມໝັ້ນຄົງ, ການເມືອງ ແລະ ສາຍພົວພັນລະຫວ່າງສອງປະເທດ ກໍຄືໃນພາກພື້ນ. ໂດຍແມ່ນພື້ນຖານດ້ານນິຕິກໍາ, ຮັບປະກັນໃນອະນາຄົດ ຈະບໍ່ມີອິດທິກໍາລັງໃດໆ ສາມາດລົບລ້າງໝາກຜົນແຫ່ງການແກ້ໄຂຊາຍແດນທາງບົກ ລະຫວ່່າງສອງປະເທດ; ຈໍາກັດເລື່ອງບັນດາອິດທິກໍາລັງເປັນປໍລະປັກ ສວຍໃຊ້ບັນຫາຊາຍແດນຂອງສອງປະເທດ ເປັນຄັນຕະລະບັດທາງດ້ານການເມືອງ, ແນໃສ່່ເສກສັນປັ້ນແຕ່ງ, ປຸກປັ່ນຍຸແຍ່ ຫວັງມ້າງເພທໍາລາຍຕ້ານລັດຫວຽດນາມ ແລະ ສາຍພົວພັນລະຫວ່່າງສອງປະເທດ”.ແລະກໍໃນການປະຊຸມ ໃນຕອນບ່າຍວັນທີ 14 ພະຈິກ, ສະພາແຫ່ງຊາດໄດ້ປຶກສາຫາລືກ່ຽວກັບຮ່າງມະຕິວ່າດ້ວຍການທົດລອງການຈັດຕັ້ງ ສະພາປະຊາຊົນຢູ່ບັນດາຕາແສງ ຂຶ້ນກັບເມືອງ, ເທດສະບານຂອງນະຄອນຮ່າໂນ້ຍ.
(ແຫຼ່ງຄັດຈາກ VOV)
