ຂ່າວສານ

ດັດຊະນີການປະຕິຮູບດ້ານບໍລິຫານປີ 2018 ສືບຕໍ່ໄດ້ຮັບການປັບປຸງເມື່ອທຽບໃສ່ປີ 2017

26/05/2019

ໃນການປະກາດ ດັດຊະນີການປະຕິຮູບດ້ານບໍລິຫານປີ 2018, ໂດຍຄະນະຊີ້ນຳການປະຕິຮູບດ້ານບໍລິຫານຂອງລັດຖະບານ ເຊິ່ງດຳເນີນໃນຕອນບ່າຍວັນທີ 24 ພຶດສະພາ, ຢູ່ຮ່າໂນ້ຍ, ຕົວເລກດັດຊະນີດັ່ງກ່າວໄດ້ເພີ່ມຂຶ້ນ 6% ເມື່ອທຽບໃສ່ປີ 2017.

ທ່ານຮອງນາຍົກລັດຖະມົນຕີຜູ້ປະຈຳການລັດຖະບານຫວຽດນາມ ເຈືອງຮ່ວາບິ່ງ

(ພາບ: VGP)

ທະນາຄານແຫ່ງລັດຫວຽດນາມ ສືບຕໍ່ນຳໜ້າໃນຈຳນວນ 18 ກະຊວງ, ອົງການສຳນັກງານທຽບເທົ່າກະຊວງ ທີ່ໄດ້ຮັບການຕີລາຄາ. ກ່າວຄຳເຫັນທີ່ພິທີປະກາດດັດຊະນີການປະຕິຮູບດ້ານບໍລິຫານ 2018, ທ່ານຮອງນາຍົກລັດຖະມົນຕີຜູ້ປະຈຳການລັດຖະບານຫວຽດນາມ ເຈືອງຮ່ວາບິ່ງ, ໄດ້ເນັ້ນໜັກກ່ຽວກັບໜ້າທີ່ວ່າ.

“ຄວນສຸມໃສ່ກວດກາ, ຫັນບັນດາລະບຽບການບໍລິຫານເປັນງ່າຍດາຍ, ຈຸດສຸມແມ່ນກວດກາ, ຫຼຸດຜ່ອນເງື່ອນໄຂດຳເນີນທຸລະກິດໃຫ້ແທດຈິງ, ບັນຊີລາຍຊື່ປະເພດສິນຄ້າທີ່ຕ້ອງກວດກາສະເພາະຂະແໜງ, ບັນດາລະບຽບການບໍລິຫານພວມມ່ນຮົ້ວກີດຂວາງກ່ຽວຂ້ອງເຖິງການເຄື່ອນໄຫວຜະລິດດຳເນີນທຸລະກິດ… ສະເໜີບັນດາມາດຕະການແກ້ໄຂ, ຂໍ້ສະເໜີຕໍ່ນາຍົກລັດຖະມົນຕີ ເພື່ອແກ້ໄຂບັນດາຄວາມຫຍຸ້ງຍາກ, ຂໍ້ຕິດຄັດກ່ຽວກັບກົນໄກ, ນະໂຍບາຍ, ລະບຽບການບໍລິຫານ ທີ່ກ່ຽວຂ້ອງເຖິງການເຄື່ອນໄຫວດຳເນີນທຸລະກິດຂອງວິສາຫະກິດ ແລະ ຊີວິດການເປັນຢູ່ຂອງປະຊາຊົນຢ່າງທັນການ”.

(ແຫຼ່ງຄັດຈາກ VOV)

ການຮ່ວມມືຢ່າງແໜ້ນແຟ້ນລະຫວ່າງສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳແຫ່ງຊາດ ລາວ

29/12/2025
ຂ່າວສານ

ບົນພື້ນຖານການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ຫວຽດນາມ - ລາວ, ກວ່າ 2 ທົດສະວັດຜ່ານມາ, ສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳລາວ ໄດ້ພ້ອມກັນຂຽນຕໍ່ເລື່ອງລາວທີ່ດີງາມກ່ຽວກັບການແບ່ງປັນພູມປັນຍາ, ການໜູນຊ່ວຍເຊິ່ງກັນແລະກັນ ໃນພາລະກິດ ກໍ່ສ້າງຖັນແຖວພະນັກງານກົດໝາຍໃຫ້ໝັ້ນຄົງເຂັ້ມແຂງ. ຈາກບັນດາການຢ້ຽມຢາມຄັ້ງທຳອິດ, ບັນດາຊຸດຮຽນທີ່ງ່າຍດາຍໃນຕົ້ນຊຸມປີ 2000, ຕະຫຼອດຮອດບັນດາໂຄງການຮ່ວມມືຂະໜາດໃຫຍ່, ການພົວພັນນັ້ນໄດ້ຮັບການເພີ່ມພູນຄູນສ້າງຢ່າງບໍ່ຢຸດຢັ້ງດ້ວຍນ້ຳໃຈສະຫາຍ, ອ້າຍນ້ອງທີ່ສະໜິດຕິດພັນ.