• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຍື່ນສະ​ເໜີ​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ ກ່ຽວ​ກັບ​ແຜນ​ຮ່າງ​ສຳ​ຄັນ ດ້ານເສດ​ຖະ​ກິດ - ສັງ​ຄົມ ໃນ​ປີ 2022

ປີ 2022 ແມ່ນປີທີ 2 ທີ່ປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ, ແມ່ນປີທີ່ມີຄວາມໝາຍສຳຄັນທີ່ສຸດ, ສ້າງພື້ນຖານແກ່ການປະຕິບັດເປົ້າໝາຍຂອງແຜນການພັດທະນາເສດຖະກິດ - ສັງຄົມ ໄລຍະ 5 ປີ ແຕ່ປີ 2021 – 2025.
ກອງປະຊຸມສະຫຼຸບວຽກງານປີ 2021 ແລະ ຜັນຂະຫຍາຍໜ້າທີປີ 2022 (ພາບ:  VGP)

  ວັນທີ 13 ມັງກອນ, ຢູ່ຮ່າໂນ້ຍ, ຄະນະເສດຖະກິດສູນກາງ ໄດ້ຈັດກອງປະຊຸມສະຫຼຸບວຽກງານປີ 2021 ແລະ ຜັນຂະຫຍາຍໜ້າທີປີ 2022.

        ໂດຍເປັນປະທານກອງປະຊຸມ, ທ່ານຫົວໜ້າຄະນະເສດຖະກິດສູນກາງພັກ ເຈິ່ນຕວ໊ນແອັງ ຊີ້ແຈ້ງວ່າ: ປີ 2022 ແມ່ນປີທີ 2 ທີ່ປະຕິບັດມະຕິກອງປະຊຸມໃຫຍ່ຄັ້ງທີ XIII ຂອງພັກ, ແມ່ນປີທີ່ມີຄວາມໝາຍສຳຄັນທີ່ສຸດ, ສ້າງພື້ນຖານແກ່ການປະຕິບັດເປົ້າໝາຍຂອງແຜນການພັດທະນາເສດຖະກິດ - ສັງຄົມ ໄລຍະ 5 ປີ ແຕ່ປີ 2021 – 2025.

        ພິເສດ, ປີ 2022, ຄະນະເສດຖະກິດສູນກາງ ຈະຍື່ນສະເໜີຕໍ່ຄະນະບໍລິຫານງານສູນກາງພັກ 3 ແຜນຮ່າງສຳຄັນ ນັ້ນແມ່ນ: ແຜນຮ່າງ “ສະຫຼຸບ 10 ປີ ແຫ່ງການຈັດຕັ້ງປະຕິບັດມະຕິສູນກາງພັກຄັ້ງທີ 6 ຄະນະບໍລິຫານສູນກາງພັກຊຸດທີ XI ກ່ຽວກັບການສືບຕໍ່ປ່ຽນແປງໃໝ່ນະໂຍບາຍ, ກົດໝາຍກ່ຽວກັບທີ່ດິນໃນໄລຍະຍູ້ແຮງວຽກງານປ່ຽນແປງໃໝ່ຢ່າງຮອບດ້ານ, ສ້າງພື້ນຖານເພື່ອໃຫ້ຮອດປີ 2020 ປະເທດ ຫວຽດນາມ ກາຍເປັນປະເທດອຸດສາຫະກຳຕາມທິດທັນສະໄໝໂດຍພື້ນຖານ”; ແຜນຮ່າງ “ສະຫຼຸບ 15 ປີ ແຫ່ງການປະຕິບັດມະຕິກອງປະຊຸມສູນກາງພັກຄັ້ງທີ 7  ຊຸດທີ X ກ່ຽວກັບກະສິກຳ, ກະສິກອນ ແລະ ຊົນນະບົດ”; ແຜນຮ່າງ “ແຜນນະໂຍບາຍ, ນະໂຍບາຍຫັນເປັນອຸດສາຫະກຳ, ທັນສະໄໝຮອດປີ 2030, ວິໄສທັດຮອດປີ 2045”.

(ແຫຼ່ງຄັດຈາກ VOV)

WEF 2022: ຫວຽດນາມ ແມ່ນຄູ່ຮ່ວມມືຕັ້ງໜ້າຂອງປະຊາຄົມສາກົນ

WEF 2022: ຫວຽດນາມ ແມ່ນຄູ່ຮ່ວມມືຕັ້ງໜ້າຂອງປະຊາຄົມສາກົນ

ທ່ານຮອງນາຍົກລັດຖະມົນຕີ ຫວຽດນາມ ເລມິງຄ໊າຍ ພວມເຂົ້າຮ່ວມກອງປະຊຸມປະຈຳປີ 2022 ຂອງເວທີປາໄສເສດຖະກິດໂລກ (ກອງປະຊຸມ WEF 2022) ແຕ່ວັນທີ 22 ຫາວັນທີ 26 ພຶດສະພາ, ຢູ່ Davos, ປະເທດສະວິດ. ການເຂົ້າຮ່ວມກອງປະຊຸມ WEF Davos ແມ່ນໜຶ່ງໃນບັນດາການເຄື່ອນໄຫວພົວພັນຕ່າງປະເທດຫຼາຍຝ່າຍທີ່ເປັນຈຸດສຸມຂອງ ຫວຽດນາມ ໃນປີ 2022, ອັນໄດ້ສະແດງໃຫ້ເຫັນວ່າ ຫວຽດນາມ ຖືເປັນສຳຄັນ ແລະ ຊຸກຍູ້ການຮ່ວມມືກັບ WEF ກໍຄື ຄຳໝັ້ນສັນຍາຂອງ ຫວຽດນາມ ໃນການຮ່ວມແຮງຮ່ວມໃຈພ້ອມກັບປະຊາຄົມສາກົນແກ້ໄຂບັນດາບັນຫາທົ່ວໂລກ.

Top