• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຊາວ ຫວຽດນາມ 2 ຄົນມີຊື່ໃນບັນຊີລາຍຊື່ເຊີດຊູນັກວິທະຍາສາດແຖວໜ້າອາຊີປີ 2019 100 ຄົນ

      ວາລະສານວິທະຍາສາດ Asian Scientist (ສິງກະໂປ) ຫາກໍ່ປະກາດບັນຊີລາຍຊື່ນັກວິທະຍາສາດແຖວໜ້າ ອາຊີ ປີ 2019 100 ຄົນ, ໃນນັ້ນມີຊາວ ຫວຽດນາມ 2 ຄົນແມ່ນສາດສະດາຈານ - ປະລິນຍາເອກ ຫງວຽນແທັງລຽມ ແລະ ປະລິນຍາເອກ ຫງວຽນທິຮຽບ.

ສາດສະດາຈານ - ປະລິນຍາເອກ ຫງວຽນແທັງລຽມ ແລະ ປະລິນຍາເອກ ຫງວຽນທິຮຽບ (ພາບ:  Asian Scientist Magazine)
      ສາດສະດາຈານ - ປະລິນຍາເອກ, ທ່ານໝໍປະຊາຊົນ ຫງວຽນແທັງລຽມ, ອະດີດຜູ້ອຳນວຍການໂຮງໝໍເດັກສູນກາງ ໄດ້ຮັບຖືວ່າແມ່ນ “ຝ່າມືຄຳ” ໃນການຜ່າຕັດຜ່ານທໍ່ຂອງ  ຫວຽດນາມ. ເປັນຄົນທຳອິດທີ່ປະຕິບັດການຜ່າຕັດຜ່ານທໍ່ໃຫ້ເດັກນ້ອຍຢູ່ ຫວຽດນາມ ໃນປີ 1997, ສາດສະດາຈານ ຫງວຽນແທັງລຽມ ໄດ້ຄົ້ນຄິດ 9 ເຕັກນິກໃໝ່, ພັດທະນາ ແລະ ໝູນໃຊ້ບັນດາເຕັກນິກເຫຼົ່ານີ້ເຂົ້າໃນການຜ່າຕັດຜ່ານທໍ່ໃຫ້ເດັກນ້ອຍປະສົບຜົນສຳເລັດ. ມາຮອດປະຈຸບັນ, ສາດສະດາຈານ ຫງວຽນແທັງລຽມ ໄດ້ດຳເນີນການຜ່າຕັດຜ່ານທໍ່ນີ້ກ່ວາ 500 ກໍລະນີ.
        ໂດຍໄດ້ຮັບການເຊີດຊູໃນຂົງເຂດວິທະຍາສາດວັດສະດຸ ທ່ານນາງປະລິນຍາເອກ ຫງວຽນທິຮຽບ ເກີດປີ 1981, ເປັນອາຈານສອນຢູ່ມະຫາວິທະຍາໄລສາກົນ - ສັງກັດມະຫາວິທະຍາໄລແຫ່ງຊາດນະຄອນ ໂຮ່ຈີມິນ. ທ່ານນາງປະລິນຍາເອກ ຫງວຽນທິຮຽບ ໄດ້ມີການປະກອບສ່ວນຫລາຍຢ່າງກ່ຽວກັບການຄົ້ນຄວ້າໃນຂົງເຂດເຕັກນິກແພດສາດຊີວະສາດ. ປີ 2018, ທ່ານນາງປະລິນຍາເອກ ຫງວຽນທິຮຽບ ໄດ້ຮັບລາງວັນນັກວິທະຍາສາດໜຸ່ມທີ່ມີຄວາມເກັ່ງກ້າສາມາດຂອງໂລກ ເຊິ່ງນອນໃນຂອບເຂດລາງວັນເພື່ອການພັດທະນາຂອງແມ່ຍິງໃນວິທະຍາສາດຂອງກອງທຶນ L’Oreal ແລະ ອົງການ UNESCO.
 (ແຫຼ່ງຄັດຈາກ VOV)

ຫວຽດນາມ ມານະພະຍາຍາມຮັບປະກັນຄວາມສາມັກຄີ ເປັນເອກະພາບຂອງ ອາຊຽນ

ຫວຽດນາມ ມານະພະຍາຍາມຮັບປະກັນຄວາມສາມັກຄີ ເປັນເອກະພາບຂອງ ອາຊຽນ

ກອງປະຊຸມວົງແຄບບັນດາລັດຖະມົນຕີການຕ່າງປະເທດ ປະຊາຄົມປະຊາຊາດ ອາຊີຕາເວັນອອກສ່ຽງໃຕ້ (ອາຊຽນ) ຈັດຂຶ້ນຢູ່ ຈາກາຕາ, ປະເທດ ອິນໂດເນເຊຍ ໃນລະຫວ່າງວັນທີ 3 - 4 ກຸມພາ. ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ, ສືບຕໍ່ປະກອບສ່ວນຢ່າງຕັ້ງໜ້າ, ເພີ່ມທະວີນ້ຳໃຈສາມັກຄີເປັນເອກະພາບ, ຄວາມເຫັນດີເຫັນພ້ອມໃນ ອາຊຽນ. ຜ່ານນັ້ນ, ຍົກສູງທີ່ຕັ້ງ, ບົດບາດຂອງ ຫວຽດນາມ ໃນ ອາຊຽນ ແລະ ຢູ່ເວທີສາກົນ.

Top