ຂ່າວສານ
ກະຊວງສາທາລະນະສຸກ ຫວຽດນາມ ຮັບວັກຊິນກັນພະຍາດໂຄວິດ - 19 ຈຳນວນ 100.000 ໂດສ ໂດຍ ຮຸງກາຣີ ອຸປະຖຳ
ທ່ານຮອງລັດຖະມົນຕີກະຊວງສາທາລະນະສຸກ ຫວຽດນາມ ເຈືອງກວັກເກື່ອງ ໄດ້ກ່າວຄຳຂອບໃຈ ແລະ ຕີລາຄາສູງຕໍ່ການຊ່ວຍເຫຼືອຂອງລັດຖະບານ, ອົງການຈັດຕັ້ງ, ວິສາຫະກິດ ຮຸງກາຣີ ທີ່ໄດ້ສະໜອງຢຸກຢາ, ອຸປະກອນການແພດ ແນໃສ່ປະກອບສ່ວນປັບປຸງຄຸນນະພາບການສະໜອງການບໍລິການສາທາລະນະສຸກຂອງ ຫວຽດນາມ. ກະຊວງສາທາລະນະສຸກ ຈະສົມທົບກັບອົງການທີ່ກ່ຽວຂ້ອງຈັດແບ່ງຈຳນວນວັກຊິນ ແລະ ຊຸດ Kit ກວດຫາເຊື້ອໄວຣັດໄວດັ່ງກ່າວ ໃຫ້ແກ່ກົມກອງ ແລະ ທ້ອງຖິ່ນຕ່າງໆ.
ເນື່ອງໃນໂອກາດນີ້, ທ່ານ Ory Csaba, ເອກອັກຄະລັດຖະທູດ ຮຸງກາຣີ ປະຈຳ ຫວຽດນາມ ກໍໄດ້ແລກປ່ຽນກັບການນຳກະຊວງສາທາລະນະສຸກກ່ຽວກັບການຮ່ວມມືໃນຂົງເຂດຄົ້ນຄວ້າ, ພັດທະນາວັກຊິນ ແລະ ຊຸດກວດຫາເຊື້ອໄວຣັດ ກໍ່ຄືການທົດລອງວັກຊິນ NanoCovax ໄລຍະທີ 3 ໂດຍ ບໍລິສັດ Nanogen ຄົ້ນຄວ້າ ແລະ ພັດທະນາ.
(ແຫຼ່ງຄັດຈາກ VOV)
