ກອງປະຊຸມສູນກາງຄັ້ງທີ 7, ຄະນະບໍລິຫານງານສູນກາງພັກຊຸດທີ 12
(ພາບ: TTXVN)
ມະຕິສຳຄັນ 3 ສະບັບທີ່ໄດ້ຮັບການຮັບຮອງເອົາທີ່ກອງປະຊຸມຄັ້ງທີ 7, ຄະນະບໍລິຫານງານສູນກາງພັກຊຸດທີ 13 ໄດ້ສຸມໃສ່ສ້າງຖັນແຖວພະນັກງານທຸກຂັ້ນ, ໂດຍສະເພາະແມ່ນຂັ້ນຍຸດທະສາດທີ່ມີຄຸນນະທາດ, ຄວາມສາມາດ ແລະ ອິດທິພົນຊື່ສຽງຢ່າງພຽງພໍ, ທັດທຽມກັບໜ້າທີ່; ມະຕິກ່ຽວກັບການປະຕິຮູບນະໂຍບາຍເງິນເດືອນສຳລັບພະນັກງານ, ລັດຖະກອນ, ກຳລັງປະກອບອາວຸດ ແລະ ຄົນງານໃນວິສາຫະກິດ; ມະຕິກ່ຽວກັບການປະຕິຮູບນະໂຍບາຍປະກັນໄພສັງຄົມ.
ສຸມໃສ່ກໍ່ສ້າງຖັນແຖວພະນັກງານໃນບັນດາເອກະສານທີ່ໄດ້ຮັບການຮັບຮອງເອົາທີ່ກອງປະຊຸມ, ມະຕິກ່ຽວກັບການສຸມໃສ່ກໍ່ສ້າງຖັນແຖວພະນັກງານທຸກຂັ້ນ, ໂດຍສະເພາະແມ່ນພະນັກງານຂັ້ນຍຸດທະສາດ ໄດ້ຮັບຄວາມຫວັງວ່າຈະສ້າງບາດລ້ຽວຢ່າງໃຫຍ່ຫຼວງໃນວຽກງານກໍ່ສ້າງ, ປັບປຸງພັກ. ມະຕິມີເນື້ອໃນປ່ຽນແປງໃໝ່ສຳຄັນຫຼາຍຢ່າງ, ໃນນັ້ນມີລັກສະນະບຸກທະລຸ, ສາມາດເປັນໄປໄດ້ ແລະ ຕິດແທດກັບສະພາບການຕົວຈິງ. ພິເສດ, ສູນກາງພັກໄດ້ຊີ້ແຈ້ງ: ຖັນແຖວພະນັກງານ, ໂດຍສະເພາະແມ່ນພະນັກງານຂັ້ນຍຸດທະສາດເຊິ່ງຫວຽດນາມ ສຸມໃສ່ກໍ່ສ້າງໃນໄລຍະຈະມາເຖິງແມ່ນມີຄຸນນະທາດ, ມີຄວາມສາມາດ ແລະ ມີອິດທິພົນຊື່ສຽງຢ່າງພຽງພໍ, ເພື່ອຕອບສະໜອງຄວາມຮຽກຮ້ອງຕ້ອງການ, ໜ້າທີ່ຂອງຍຸກສະໄໝໃໝ່.
ຈຸດພົ້ນເດັ່ນຂອງມະຕິໃນຄັ້ງນີ້ແມ່ນສູນກາງພັກ ຮຽກຮ້ອງໃຫ້ຕ້ອງມີມາດຕະການຕີລາຄາພະນັກງານຢ່າງພາວະວິໄສ, ຊັດເຈນ; ມີກົນໄກສ້າງກຳລັງໜູນ, ປ່ຽນໃໝ່ຢ່າງມີຫົວຄິດປະດິດສ້າງ, ຝຶກຝົນຫຼໍ່ຫຼອມຜ່ານພຶດຕິກຳຕົວຈິງທີ່ມີຄວາມຫຍຸ້ງຍາກຫຼາຍຢ່າງ, ສິ່ງທ້າທາຍທີ່ໃຫຍ່ຫຼວງຂອງຖັນແຖວພະນັກງານ ແລະ ຍົກສູງມາດຕະການແກ້ໄຂຄວບຄຸມສິດອຳນາດ, ຕ້ານລັດທິສ່ວນຕົວ… ຖືນີ້ແມ່ນໜຶ່ງໃນບັນດາໜ້າທີ່, ມາດຕະການແກ້ໄຂສຳຄັນເພື່ອສະກັດກັ້ນຖ້ອຍທຳນອງສວຍໃຊ້ສິດອຳນາດໃນກົງຈັກລັດ ເພື່ອປັປບຸງ ແລະ ຍົກສູງຄວາມໄວ້ເນື້ອເຊື່ອໃຈຂອງປະຊາຊົນຕໍ່ພັກ, ລັດ ແລະ ລະບອບ. ທ່ານຮອງສາດສະດາຈານ ຫງວຽນຈ້ອງຟຸ໋ກ, ສະຖາບັນການເມືອງແຫ່ງຊາດໂຮ່ຈິມິນ, ຕີລາຄາວ່າ.
“ແຜນຮ່າງວຽກງານພະນັກງານໄດ້ວາງອອກເຖິງຄວາມຮຽກຮ້ອງຕ້ອງການໂດຍພື້ນຖານສຳລັບພະນັກງານແຕ່ລະຄົນ, ພິເສດແມ່ນພະນັກງານຂັ້ນຍຸດທະສາດ ຕ້ອງຮັບປະກັນຄວາມຮຽກຮ້ອງພື້ນຖານດ້ານຄຸນສົມບັດ, ພູມປັນຍາ, ກຳລັງຄວາມສາມາດຊີ້ນຳຄຸ້ມຄອງ, ມີອິດທິພົນຊື່ສຽງ, ວິທີເຮັດວຽກ, ໂດຍສະເພາະແມ່ນແນວຄິດຍຸດທະສາດ. ພະນັກງານຂັ້ນຍຸດທະສາດ ໂດຍສະເພາະແມ່ນຢູ່ທຸກຂັ້ນ, ພິເສດແມ່ນຂັ້ນຍຸດທະສາດຕ້ອງຕອບສະໜອງຄວາມຮຽກຮ້ອງຕ້ອງການໂດຍພື້ນຖານ. ແຕ່ພ້ອມທັງສູນກາງກໍ່ວາງອອກລະບົບມາດຖານ, ມາດຕະຖານຢ່າງລະອຽດເພື່ອຄັດເລືອກເອົາພະນັກງານແຕ່ລະຄົນ, ໂດຍສະເພາະແມ່ນພະນັກງານຂັ້ນຍຸດທະສາດ”.
ເພື່ອປະຕິບັດມະຕິຢ່າງມີປະສິດທິຜົນ, ໃນເຄິ່ງອາຍຸການສຸດທ້າຍຂອງຊຸດທີ 12, ສູນກາງພັກຢືນຢັນຄວາມມານະພະຍາຍາມສ້າງສຳເລັດບາດກ້າວໜຶ່ງກ່ຽວກັບການຫັນເປັນລະບອບລະບຽບການ, ຫັນມະຕິໃຫ້ກາຍເປັນບັນດາຂໍ້ກຳນົດຂອງພັກ ແລະ ກົດໝາຍຂອງລັດ ຕາມແຜນກຳນົດ, ເໝາະສົມກັບສະພາບການຕົວຈິງ.
ເພີ່ມທະວີພື້ນຖານຮັບປະກັນຊີວິດສັງຄົມ
2 ໃນຈຳນວນມະຕິ 3 ສະບັບເຊິ່ງກອງປະຊຸມຄັ້ງນີ້ປະກາດໃຊ້ ລ້ວນແຕ່ກ່ຽວຂ້ອງເຖິງການໜູນຊ່ວຍ. ການປະຕິຮູບເງິນເດືອນ ແລະ ປະກັນໄພສັງຄົມໃນເວລາດຽວກັນ ດ້ານໜຶ່ງແມ່ນປະກອບສ່ວນຕ້ານການສໍ້ຫຼາດບັງຫຼວງ, ແຕ່ອີກດ້ານໜຶ່ງກໍ່ມີຄວາມສຳຄັນຍິ່ງນັ້ນແມ່ນໜູນຊ່ວຍໃຫ້ຊົນຊັ້ນຖືກປະປ່ອຍຢູ່ດ້ານຫຼັງໃນສະພາບຂາດຄວາມສະເໝີພາບໃນສັງຄົມ ທີ່ນັບມື້ນັບເພີ່ມຂຶ້ນ.
ຕາມນັ້ນແລ້ວ, ມະຕິກ່ຽວກັບການປະຕິຮູບນະໂຍບາຍເງິນເດືອນ ແມ່ນເພື່ອແນໃສ່ສ້າງລະບົບນະໂຍບາຍເງິນເດືອນແຫ່ງຊາດຢ່າງມີວິທະຍາສາດ, ກະຈ່າງແຈ້ງ, ແທດເໝາະກັບສະພາບການຕົວຈິງຂອງປະເທດຊາດ, ຕອບສະໜອງຄວາມຮຽກຮ້ອງຕ້ອງການພັດທະນາເສດຖະກິດໂດຍໄວ. ຕາມນັ້ນແລ້ວ, ເງິນເດືອນຕ້ອງແມ່ນແຫຼ່ງລາຍຮັບຕົ້ນຕໍ ຮັບປະກັນໄດ້ຊີວິດການເປັນຢູ່ໃຫ້ແກ່ຜູ້ໄດ້ຮັບເງິນເດືອນ ແລະ ຄອບຄົວຂອງເຂົາເຈົ້າ; ຈ່າຍເງິນເດືອນຢ່າງຖືກຕ້ອງນັ້ນແມ່ນການລົງທຶນໃຫ້ແກ່ການພັດທະນາແຫຼ່ງຊັບພະຍາກອນມະນຸດ, ສ້າງກຳລັງໜູນຍົກສູງສະມັດຕະພາບການອອກແຮງງານ ແລະ ປະສິດທິຜົນການເຮັດວຽກຂອງຄົນງານ. ທ່ານອະດີດຮອງລັດຖະມົນຕີກະຊວງແຮງງານ, ທະຫານເສຍຄົງຄະ ແລະ ສັງຄົມ ຟ້າມມິງຮວນ, ຖືວ່າ.
“ການສັບຊ້ອນລະບົບເງິນເດືອນຄືນໃໝ່ ຈະຊ່ວຍໃຫ້ລັດຖະກອນມີຊີວິດດີກວ່າ ເມື່ອທຽບໃສ່ປະຈຸບັນ. ຈາກນັ້ນສ້າງສະມັດຕະພາບ, ຄຸນນະພາບການເຮັດວຽກໃຫ້ດີກວ່າ”.
ແຜນຮ່າງປະຕິຮູບນະໂຍບາຍປະກັນສັງຄົມ ກໍ່ແມ່ນເນື້ອໃນສຳຄັນທີ່ກອງປະຊຸມສູນກາງພັກຄັ້ງທີ 7. ສູນກາງພັກໄດ້ກຳນົດວ່າ ໃນໄລຍະຈະມາເຖິງ, ຄວນຍູ້ແຮງວຽກງານປະຕິຮູບປະກັນສັງຄົມກວ່າອີກ ເພື່ອໃຫ້ກາຍເປັນເສົາຄ້ຳຕົ້ນຕໍຂອງລະບົບຮັບປະກັນຊີວິດສັງຄົມຢ່າງແທດຈິງ. ເປີດກວ້າງຢ່າງໝັ້ນຄົງເຂັ້ມແຂງເທື່ອລະກ້າວ ເພື່ອກ້າວໄປເຖິງການປະຕິບັດປະກັນສັງຄົມທົ່ວປວງຊົນ ຕາມທິດທາງທີ່ເໝາະສົມກັບເງື່ອນໄຂພັດທະນາເສດຖະກິດ, ສັງຄົມຂອງປະເທດຊາດ, ປະກອບສ່ວນສຳຄັນເຂົ້າໃນການປະຕິບັດຄວາມກ້າວໜ້າ ແລະ ຍຸດຕິທຳໃນສັງຄົມ. ຫວຽດນາມ ຈະພັດທະນາລະບົບນະໂຍບາຍປະກັນສັງຄົມຢ່າງມີໄຫວພິບ, ຫຼາຍຮູບຫຼາຍແບບ, ຫຼາຍຊັ້ນ, ທັນສະໄໝ ແລະ ເຊື່ອມໂຍງເຂົ້າກັບສາກົນຕາມຫຼັກການ “ປະກອບ - ຊົມໃຊ້”, “ຍຸຕິທຳ”, “ສະເໝີພາບ”, “ແບ່ງປັນ” ແລະ “ໝັ້ນຄົງ”.
ເລື່ອງສູນກາງພັກປະກາດມະຕິສະບັບໃໝ່ກ່ຽວກັບວຽກງານພະນັກງານ, ອາຍຸການຊຸດທີ 12 ກໍຄືມະຕິກ່ຽວກັບການຮັບປະກັນຊີວິດສັງຄົມ ຈະສ້າງປະຖົມປັດໄຈສຳຄັນ, ສ້າງກຳລັງໜູນໃໝ່ໃຫ້ແກ່ພາລະກິດປ່ຽນແປງໃໝ່ຢ່າງຮອບດ້ານ ແລະ ພັດທະນາປະເທດຊາດ.
(ແຫຼ່ງຄັດຈາກ VOV)
