ກອງປະຊຸມສຳມະນາລະຫວ່າງ “ແບ່ງຂັ້ນຄຸ້ມຄອງຢູ່ລາວ ແລະ ຫວຽດນາມ"
ໂດຍນອນໃນຂອບເຂດການຢ້ຽມຢາມສັນຖະວະໄມຕີ ຫວຽດນາມ ຢ່າງເປັນທາງການຂອງຄະນະຜູ້ແທນຂັ້ນສູງສະພາແຫ່ງຊາດ ສປປ ລາວ, ຕອນເຊົ້າວັນທີ 7/3, ທີ່ສຳນັກງານສະພາແຫ່ງຊາດ, ໄດ້ດຳເນີນກອງປະຊຸມສຳມະນາ “ແບ່ງຂັ້ນຄຸ້ມຄອງຢູ່ລາວ ແລະ ຫວຽດນາມ, ບັນດາບົດຮຽນຂອງສະພາແຫ່ງຊາດ ໃນການແບ່ງຂັ້ນຄຸ້ມຄອງຢູ່ບັນດາແຂວງ, ນະຄອນ ແລະ ຂອງລັດຖະບານຢູ່ສູນກາງ, ແຂວງ, ເມືອງ, ຕາແສງ”. ທ່ານນາງ ຕ່ອງທິຟ໋ອງ, ຮອງປະທານຜູ້ປະຈຳການສະພາແຫ່ງຊາດ ຫວຽດນາມ ແລະ ທ່ານນາງປະທານສະພາແຫ່ງຊາດ ສປປ ລາວ ປານີ ຢ່າທໍ່ຕູ້ ເປັນປະທານກອງປະຊຸມ. ກອງປະຊຸມສຳມະນາເພື່ອແນໃສ່ສະແດງບົດບາດ, ຄວາມຮັບຜິດຊອບຂອງສະພາແຫ່ງຊາດ 2 ປະເທດ ສຳລັບບັນດາສາບັນຫາສຳຄັນຂອງປະເທດຊາດໃນວຽກງານຄຸ້ມຄອງລັດ ແລະ ແມ່ນການສະແດງໃຫ້ເຫັນູຄວາມມີຊີວິດຊີວາຂອງການພົວພັນຮ່ວມມືນັບມື້ນັບແທດຈິງ, ມີປະສິດທິຜົນລະຫວ່າງສະພາແຫ່ງຊາດ ແລະ ລັດຖະບານ 2 ປະເທດ ຫວຽດນາມ ແລະ ລາວ. ບັນດາສະມາຊິກສະພາແຫ່ງຊາດ, ການນຳບັນດາກະຊວງ, ຂະແໜງການ ແລະ ທ້ອງຖິ່ນ, ບັນດານັກຊ່ຽວຊານໃນຂົງເຂດຄຸ້ມຄອງລັດຂອງ ຫວຽດນາມ ແລະ ລາວ ພ້ອມກັນແລກປ່ຽນບົດຮຽນຕົວຈິງ ແລະ ເຮັດແຈ້ງບັນດາບັນຫາກ່ຽວຂ້ອງເຖິງການແບ່ງຂັ້ນລະຫວ່າງສະພາແຫ່ງຊາດ ແລະ ສະພາປະຊາຊົນຂັ້ນຄ້ມຄອງແຂວງ, ນະຄອນ, ລະຫວ່າງລັດຖະບານ ແລະ ຄະນະກຳມະການປະຊາຊົນບັນດາແຂວງ, ເມືອງ, ຕາແສງ.
(ແຫຼ່ງຄັດຈາກ VOV)
