• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ກອງປະຊຸມຄັ້ງທີ 7 ຂອງ ຄະນະປະຈຳສະພາແຫ່ງຊາດ ປະກອບຄຳເຫັນຕໍ່ວຽກງານແກ້ໄຂຄຳຮ້ອງຂໍຄວາມເປັນທຳ, ແຜນການລົງທຶນສາທາລະນະໄລຍະກາງ

      ກອງປະຊຸມໃນສອງວັນ ແຕ່ວັນທີ 18 – 19 ມັງກອນ ເພື່ອພິຈາລະນາ, ຕັດສິນບັນດາເນື້ອໃຈສຳຄັນ.
ທ່ານປະທານສະພາແຫ່ງຊາດ ເວືອງດິ່ງເຫວ້ ກ່າວຄຳເຫັນທີ່ກອງປະຊຸມ (ພາບ:  VTC)
      ຕອນເຊົ້າວັນທີ 18 ມັງກອນ, ຄະນະປະຈຳສະພາແຫ່ງຊາດ ໄຂກອງປະຊຸມຄັ້ງທີ 7 ພາຍໃຕ້ການເປັນປະທານຂອງທ່ານປະທານສະພາແຫ່ງຊາດຫວຽດນາມ ເວືອງດິ່ງເຫວ້. ກ່າວຄຳເຫັນໄຂກອງປະຊຸມ, ທ່ານປະທານສະພາແຫ່ງຊາດ ເວືອງດິ່ງເຫວ້ ຊີ້ແຈ້ງວ່າ ກອງປະຊຸມໃນສອງວັນ ແຕ່ວັນທີ 18 – 19 ມັງກອນ ເພື່ອພິຈາລະນາ, ຕັດສິນບັນດາເນື້ອໃຈສຳຄັນ. ກ່ຽວກັບວຽກງານສ້າງກົດໝາຍ, ຄະນະປະຈຳສະພາແຫ່ງຊາດ ຈະປະກອບຄຳເຫັນກ່ຽວກັບການນອະພິປາຍຮັບເອົາ, ດັດປັບຮ່າງກົດໝາຍວ່າດ້ວຍການແຂ່ງຂັນ, ຍ້ອງຍໍຊົມເຊີຍ (ສະບັບປັບປຸງ). ກ່ຽວກັບວຽກງານຕິດຕາມກວດກາ, ຄະນະປະຈຳສະພາແຫ່ງຊາດ ພິຈາລະນາບົດລາຍງານວຽກງານແກ້ໄຂຄຳຮ້ອງຂໍຄວາມເປັນທຳ ເດືອນທັນວາ 2021 ຂອງສະພາແຫ່ງຊາດ. ກ່ຽວກັບການຕັດສິນບັນດາວຽກງານສຳຄັນ, ຄະນະປະຈຳສະພາແຫ່ງຊາດ ຈະປະກອບຄຳເຫັນຕໍ່ການເພີ່ມເຕີມແຜນການລົງທຶນຕ່າງປະເທດ ຈາກຈຳນວນທຶນທີ່ຍັງບໍ່ທັນຈັດແບ່ງ ແລະ ດັດປັບ, ຄາດຄະເນແຜນການລົງທຶນສາທາລະນະໃນໄລຍະກາງຈາກງົບປະມານສູນກາງໄລຍະ 2021 – 2025 ສຳລັບບັນຊີລາຍຊື່ໂຄງການຂອງບັນດາກະຊວງ, ອົງການສູນກາງ ແລະ ທ້ອງຖິ່ນ (ງວດທີ 2). ນອກຈາກນັ້ນ, ຄະນະປະຈຳສະພາແຫ່ງຊາດ ກໍຈະປະກອບຄໍາເຫັນກ່ຽວກັບການສະຫຼຸບກອງປະຊຸມວິສາມັນ ຄັ້ງທີ 1, ສະພາແຫ່ງຊາດຊຸດທີ XV ແລະ ບາງເນື້ອໃນສຳຄັນອື່ນໆ.
(ແຫຼ່ງຄັດຈາກ VOV)


ສືບຕໍ່ຊຸກຍູ້ການພົວພັນຄູ່ຮ່ວມມື ຫວຽດນາມ - WEF

ສືບຕໍ່ຊຸກຍູ້ການພົວພັນຄູ່ຮ່ວມມື ຫວຽດນາມ - WEF

ວັນທີ 22 ພຶດສະພາ, ທ່ານຮອງນາຍົກລັດຖະມົນຕີຫວຽດນາມ ເລມິງຄ໊າຍ, ຫົວໜ້າຄະນະຜູ້ແທນຂັ້ນສູງ ຫວຽດນາມ ທີ່ເຂົ້າຮ່ວມກອງປະຊຸມປະຈຳປີເວທີປາໄສເສດຖະກິດໂລກ (WEF) ຄັ້ງທີ 52 ຢູ່ Davos (ສະວິດ) ໄດ້ໃຫ້ການຕ້ອນຮັບທ່ານ Alok Sharma ລັດຖະມົນຕີ, ປະທານກອງປະຊຸມຄັ້ງທີ 26 ຂອງບັນດາຝ່າຍເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP26); ທ່ານ Borge Brende ປະທານ WEF; ທ່ານ Henrik Anderson ປະທານ ທັງເປັນຜູ້ອຳນວຍການໃຫຍ່ຝ່າຍບໍລິຫານກຸ່ມບໍລິສັດ Vestas Wind Systems.

Top