ການນຳບັນດາປະເທດ ອາຊຽນ ແລະ ອາເມລິກາ
(ພາບ: AFP)
ວັນທີ 16/2, ກອງປະຊຸມຂັ້ນສູງພິເສດ ອາຊຽນ - ອາເມລິກາ ສິ້ນສຸດລົງພາຍຫຼັງເຮັດວຽກຢູ່ Sunnylands, ລັດ California, ປະເທດ ອາເມລິກາ ມາເປັນເວລາ 2 ວັນ. ກອງປະຊຸມໄດ້ອອກຖະແຫຼງການ Sunnylands ເຊິ່ງລວມມີ 17 ເນື້ອໃນ, ໃນນັ້ນມີການໃຫ້ຄຳໝັ້ນສັນຍາເຄົາລົບອະທິປະໄຕ, ຜືນແຜ່ນດິນອັນຄົບຖ້ວນ, ສະເໝີພາບ ແລະ ເອກະລາດທາງດ້ານການເມືອງລະຫວ່າງບັນດາປະເທດແມ່ນເໝາະສົມກັບຫຼັກການ ແລະ ຂໍ້ກຳນົດຂອງລັດຖະທຳມະນູນ ສປຊ, ກົດບັດ ອາຊຽນ ແລະ ກົດໝາຍສາກົນ, ຄຳໝັ້ນສັນຍາແກ້ໄຂຄວາມຂັດແຍ້ງກັນໂດຍສັນຕິ, ບໍ່ນຳໃຊ້ອາວຸດ ຫຼື ນາບຂູ່ນຳໃຊ້ກຳລັງອາວຸດເໝາະສົມກັບບັນດາຫຼັກການລວມທີ່ໄດ້ຮັບການຮັບຮູ້ຈາກກົດໝາຍສາກົນ ແລະ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ 1982 (UNCLOS), ຄຳໝັ້ນສັນຍາລວມຊຸກຍູ້ການຮ່ວມມືເພື່ອແກ້ໄຂບັນດາການທ້າທາຍລວມໃນຂົງເຂດການເດີນທະເລ, ເນັ້ນໜັກເຖິງຄວາມສຳຄັນຂອງວັດຖະນາຖາວອນລວມ, ການພັດທະນາ ແລະ ເຕີບໂຕຢ່າງໝັ້ນຄົງ…(ພາບ: AFP)
ກອງປະຊຸມຂັ້ນສູງພິເສດ ອາຊຽນ - ອາເມລິກາ ໄດ້ຮັບການຈັດຕັ້ງຢູ່ ອາເມລິກາ ເປັນຄັ້ງທຳອິດ ແມ່ນກອງປະຊຸມຂັ້ນສູງຄັ້ງທຳອິດພາຍຫຼັງປະຊາຄົມ ອາຊຽນ ໄດ້ຮັບການສ້າງຕັ້ງໃນທ້າຍປີ 2015. ກອງປະຊຸມເປັນຂີດໝາຍບາດລ້ຽວໃຫ້ທັງ ອາຊຽນ ແລະ ການພົວພັນຄູ່ຮ່ວມມືຍຸດທະສາດນັບມື້ນັບສະໜິດຕິດພັນລະຫວ່າງ ອາເມລິກາ ແລະ ອາຊຽນ. ວົງການນັກໄຈ້ແຍກຮັບຮູ້ວ່າ: ຝ່າຍ ອາເມລິກາ ຖືກອງປະຊຸມນີ້ເປັນສຳຄັນ, ຖືນີ້ແມ່ນຂີດໝາຍກ່ຽວກັບການພົວພັນຕ່າງປະເທດໃນທ້າຍອາຍຸການຂອງທ່ານປະທານາທິບໍດີ Barack Obama, ພ້ອມທັງສະແດງໃຫ້ເຫັນວ່າຄຳໝັ້ນສັນຍາຜັນຂະຫຍາຍນະໂຍບາຍມຸ່ງໄປເຖິງອາຊີ ຂອງ ວໍຊິງຕັນ ບໍ່ພຽງແຕ່ແມ່ນຄຳເວົ້າລ້າໆເທົ່ານັ້ນ ຫາກຍັງແມ່ນການກະທຳລະອຽດອີກດ້ວຍ.
ແລະກໍໃນວັນດຽວກັນ, ທ່ານນາຍົກລັດຖະມົນຕີ ຫງວຽນເຕີນຢູ້ງ ພ້ອມກັບຄະນະຜູ້ແທນຂັ້ນສູງ ຫວຽດນາມ ເດີນທາງອອກຈາກ California, ສິ້ນສຸດການເຂົ້າຮ່ວມກອງປະຊຸມຂັ້ນສູງພິເສດ ອາຊຽນ - ອາເມລິກາ ຢ່າງຈົບງາມ.
(ແຫຼ່ງຄັດຈາກ VOV)
