ຂ່າວສານ

ພິທີສະເຫຼີມສະຫຼອງວັນຊາດຫວຽດນາມ ຄົບຮອບ 75 ປີຢູ່ຫຼາຍປະເທດ

30/08/2020

ເນື່ອງໃນໂອກາດ 75 ປີແຫ່ງວັນການປະຕິວັດເດືອນສິງຫາ ແລະ ວັນຊາດຫວຽດນາມ (2/9/1945 – 2/9/2020), ຕອນຄ່ຳວັນທີ 28 ສິງຫາ, ສະຖານທູດຫວຽດນາມ ປະຈຳຝະລັ່ງ ໄດ້ຈັດພິທີສະເຫຼີມສະຫຼອງວັນຊາດຫວຽດນາມ ແລະ ວັນສ້າງຕັ້ງຂະແໜງການທູດຫວຽດນາມ ຄົບຮອບ 75 ປີ.

(ພາບ: ຈາກ ສະຖານທູດຫວຽດນາມ ປະຈຳລາວ)

ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດ ຫງວຽນທຽບ ຢືນຢັນວ່າ ຫວຽດນາມ ຈະສືບຕໍ່ກຳກາລະໂອກາດ, ຜ່ານຜ່າສິ່ງທ້າທາຍໃນສະພາບການໂລກ ແລະ ພາກພື້ນພວມມີການຫັນປ່ຽນຢ່າງໄວວາ ແລະ ຍາດທີ່ຈະຄາດຄະເນໄດ້, ໂດຍສະເພາະແມ່ນຍ້ອນຜົນກະທົບຈາກໂລກລະບາດໂຄວິດ 19, ເພື່ອໃຫ້ສາຍພົວພັນຄູ່ຮ່ວມມືຍຸດທະສາດຫວຽດນາມ-ຝະລັ່ງ ສືບຕໍ່ພັດທະນາຢ່າງແຮງ ແລະ ເລິກເຊິ່ງ.

ໃນວັນດຽວກັນ, ຢູ່ນະຄອນຫຼວງວຽງຈັນ, ສະຖານທູດຫວຽດນາມ ປະຈຳລາວ ໄດ້ຈັດງານລ້ຽງເພື່ອສະເຫຼີມສະຫຼອງວັນຊາດຫວຽດນາມ ຄົບຮອບ 75 ປີ. ກ່າວຄຳເຫັນນະທີ່ນີ້, ທ່ານເອກອັກຄະລັດຖະທູດ ຫງວຽນບາຮຸ່ງ ປາດຖະໜາວ່າ ບັນດາປະເທດ, ເພື່ອນມິດສາກົນຈະສືບຕໍ່ສະໜັບສະໜູນ ເພື່ອໃຫ້ສາຍພົວພັນລະຫວ່າງຫວຽດນາມ-ລາວ ພັດທະນາຢ່າງໝັ້ນຄົງ, ປະກອບສ່ວນຢ່າງຕັ້ງໜ້າໃຫ້ແກ່ສັນຕິພາບ, ສະຖຽນລະພາບ, ຄວາມສະຫງົບປອດໄພ ແລະ ການພັດທະນາຢູ່ອາຊີ.

(ແຫຼ່ງຄັດຈາກ VOV)

ໂອກາດຢຸດຕິການປະທະກັນຢູ່ພາກພື້ນຕາເວັນອອກກາງ ຈາກແຜນການ 15 ຂໍ້

28/03/2026
ຂ່າວສານ

ພາຍຫຼັງການປະທະກັນຢູ່ພາກພື້ນຕາເວັນອອກກາງ ລະຫວ່າງ ອາເມລິກາ - ອິດສະລາແອັນກັບອີຣານ ລະເບີດຂຶ້ນເປັນເວລາ 1 ເດືອນ ແລະ ມີຄວາມເຄັ່ງຕຶງເພີ່ມຂຶ້ນຢ່າງແຮງນັ້ນ ເປັນຄັ້ງທຳອິດ ການປະທະກັນນັ້ນມີໂອກາດໄດ້ຮັບການແກ້ໄຂດ້ວຍເສັ້ນທາງໂອ້ລົມສົນທະນາ, ເມື່ອຝ່າຍອາເມລິກາ ສະເໜີ ແຜນການ 15 ຂໍ້ ກັບອີຣານ ເພື່ອແນໃສ່ຢຸດຕິການປະທະກັນ. ເຖິງຢ່າງໃດກໍຕາມ, ບັນດາຄວາມສ່ຽງການປະທະກັນເພີ່ມຂຶ້ນແມ່ນຍັງໃຫຍ່ຫຼວງທີ່ສຸດ.