ຂ່າວສານ

ໄທ: ພັກປະຊາທິປັດຮຽກຮ້ອງໃຫ້ປັບປຸງລັດຖະທຳມະນູນສະບັບຊົ່ວຄາວ

25/02/2016

ປະທານກຳມາທິການຮຽບຮຽງລັດຖະທຳມະນູນໄທ
(ພາບ: Reuters)

ວັນທີ 22/2, ພັກປະຊາທິປັດຂອງ ໄທ ໄດ້ຮຽກຮ້ອງໃຫ້ປັບປຸງລັດຖະທຳມະນູນສະບັບຊົ່ວຄາວຂອງປະເທດນີ້ເພື່ອເຮັດໃຫ້ເນື້ອໃນກ່ຽວກັບການລົງປະຊາມະຕິກ່ຽວຂ້ອງເຖິງຮ່າງລັດຖະທຳມະນູນສະບັບໃໝ່ທີ່ພວມກໍ່ການໂຕ້ຖຽງກັນຈະແຈ້ງກ່ວາ. ໂຄສົກຂອງພັກປະຊາທິປັດ, ທ່ານ ຣາເມດ ຣັດຕະນະເຈວົງ ຖືວ່າ, ຄຳຮຽກຮ້ອງລະອຽດຂອງພັກນີ້, ນັ້ນແມ່ນລັດຖະທຳມະນູນສະບັບຊົ່ວຄາວຕ້ອງໄດ້ຮັບການປັບປຸງໃນກໍລະນີຮ່າງລັດຖະທຳມະນູນສະບັບໃໝ່ບໍ່ສາມາດຜ່ານຜ່າການລົງປະຊາມະຕິໄດ້. ລັດຖະບານຕ້ອງຊີ້ແຈ້ງເຖິງການເລືອກເຟັ້ນຕໍ່ໄປຂອງຕົນເພື່ອໃຫ້ມະຫາຊົນໄດ້ຮັບຂໍ້ມູນຂ່າວນີ້ກ່ອນທີ່ຈະຕັດສິນປ່ອນບັດໃນການລົງປະຊາມະຕິ. ພັກປະຊາທິປັດຂອງ ໄທ ກໍສະເໜີໃຫ້ກຳມາທິການຮຽບຮຽງລັດຖະທຳມະນູນ ຈົ່ງນຳເຂົ້າຮ່າງລັດຖະທຳມະນູນບັນດາກົນໄກເພື່ອມອບສິດໃຫ້ມະຫາຊົນໃນບັນຫາຕ້ານການສໍ້ລາດບັງຫຼວງ. ຮ່າງລັດຖະທຳມະນູນຕ້ອງມີຫຼັກການ ແລະ ກົນໄກເພື່ອແນໃສ່ສະກັດກັ້ນການແຊກແຊງເຂົ້າລະບົບຕຸລາການຈາກສູນກາງລົງຮອດທ້ອງຖິ່ນເພື່ອຮັບປະກັນການສະກັດກັ້ນການສໍ້ລາດບັງຫຼວງຢູ່ທຸກຂັ້ນ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.