ງານວາງສະແດງລວມມີຮູບຖ່າຍ 100 ກວ່າແຜ່ນ
ງານວາງສະແດງລວມມີຮູບຖ່າຍ 100 ກວ່າແຜ່ນ ເຊິ່ງໄດ້ແນະນຳບັນດາໄລຍະທາງທີ່ສະຫງ່າອົງອາດຂອງພັກກອມມູນິດຫວຽດນາມ ໃນໄລຍະ 90 ປີທີ່ຜ່ານມາ. ນີ້ແມ່ນໂອກາດເພື່ອໃຫ້ລຸ້ນຄົນປັດຈຸບັນ ທົບທວນຄືນບັນດາໄລຍະປະຫວັດສາດ ທີ່ສະຫງ່າລາສີຂອງຊາດ. ເນື່ອງໃນໂອກາດນີ້ ຢູ່ນະຄອນເກີນເທີ ກໍໄດ້ໄຂງານວາງສະແດງພາບຖ່າຍ “ກອງທັບປະຊາຊົນຫວຽດນາມ - 75 ປີ ແຫ່ງການເຕີບໃຫຍ່ ແລະ ຂະຫຍາຍຕົວ”. ກ່າວຄຳເຫັນທີ່ພິທີໄຂ, ທ່ານ ເຈິ່ນຫວຽດເຟືອງ ຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວ ນະຄອນ ເກີນເທີ ໃຫ້ຮູ້ວ່າ:
“ງານວາງສະແດງຮູບຖ່າຍ ແມ່ນເພື່ອຕອບສະໜອງຄວາມຮຽກຮ້ອງຕ້ອງການ, ປັບປຸງຄວາມເຊື່ອໝັ້ນທີ່ມີຕໍ່ພັກ, ລັດ ແລະ ກອງທັບ ເພື່ອແນໃສ່ປຸກລຸກ ແລະ ເສີມຂະຫຍາຍຄວາມຮັບຜິດຊອບຂອງທົ່ວພັກ, ທົ່ວປວງຊົນ ແລະ ທົ່ວກອງທັບ ໃນການສ້າງພື້ນຖານປ້ອກັນຊາດທົ່ວປວງຊົນໃຫ້ໝັ້ນຄົງເຂັ້ມແຂງ, ສ້າງທ່າສະໜາມສົງຄາມປະຊາຊົນໃຫ້ໝັ້ນຄົງໜັກແໜ້ນ, ສ້າງກອງທັບປະຊາຊົນປະຕິວັດໃຫ້ເປັນກຳລັງຫຼວງ ແລະ ທັນສະໄໝເທື່ອລະກ້າວ”.
ກ່ອນໜ້ານັ້ນໃນວັນທີ 14 ທັນວາ, ຢູ່ນະຄອນດ່າໜັງ ກໍໄດ້ຈັດລາຍງານພົບປະແລກປ່ຽນສະແດງດົນຕີສາກົນ ດ່າໜັງ - ຮັບຕ້ອນລະດູບານໃໝ່ 2020”. ນີ້ແມ່ນລາຍການສະແດງດົນຕີ ເນື່ອງໃນໂອກາດທ້າຍປີ ເພື່ອສະຫງວນໃຫ້ແກ່ວົງຄະນະຍາດຊາວຕ່າງປະເທດພວມດຳລົງຊີວິດ ແລະ ເຮັດວຽກຢູ່ດ່າໜັງ.
ນາງ ອີຣີນາ ມາຈາກວົງດົນຕີ ກູຣິນນາ ຂອງ ຢູແກຼນ ໃຫ້ຮູ້ວ່າ:
“ພວກຂ້າພະເຈົ້າ ຢາກນຳດົນຕີ ມາແນະນຳກ່ຽວກັບວັດທະນະທຳ, ປະເທດຊາດ ຂອງພວກຂ້າພະເຈົ້າ ໂດຍຜ່ານບັນດາບົດເພງ, ບົດດົນຕີ. ຂ້າພະເຈົ້າ ໄດ້ດຳລົງຊີວິດຢູ່ດ່າໜັງເປັນເວລາ 3 ປີ ແລ້ວ, ມີຄວາມຮູ້ສຶກກ່ຽວກັບຊາວດ່າໜັງທີ່ສະໜິດສະໜົມ, ມີຈິດໃຈຮັກແພງແຂກ. ຂ້າພະເຈົ້າ ຫວັງວ່າ ບັນດາບົດເພງທີ່ມີຊີວິດຊີວາ ທີ່ພວກຂ້າພະເຈົ້າ ໄດ້ສະແດງ ຈະເຮັດໃຫ້ທຸກໆຄົນ ມີຄວາມປະທັບໃຈ”.
(ແຫຼ່ງຄັດຈາກ VOV)
