• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ໂອກາດດ້ານເສດຖະກິດຫຼັງໂຄວິດ-19, ບົດຮຽນຈາກ ຫວຽດນາມ

ໜັງສືພິມອີຢິບວັນນີ້ (Almasryalyoum) ຫາກໍ່ມີບົດຕີລາຄາກ່ຽວກັບບັນດານະໂຍບາຍ ແລະ ຍຸດທະສາດຂອງ ຫວຽດນາມ ເພື່ອຍາດແຍ່ງບັນດາກາລະໂອກາດດ້ານເສດຖະກິດໄລຍະຫຼັງໂຄວິດ-19.

 (ພາບປະກອບ)

ນັກຂ່າວ Mohamed Kamal ຖືວ່າ: ເພື່ອຮັບມືກັບໄລຍະຫຼັງໂຄວິດ-19, ຫວຽດນາມ ໄດ້ມີບັນດາຍຸດທະສາດ ແລະ ນະໂຍບາຍທີ່ເໝາະສົມໃນໄລຍະສັ້ນ ແລະ ໄລຍະກາງ ເພື່ອຟື້ນຟູເສດຖະກິດ ແລະ ບົດຮຽນນັ້ນ ສາມາດນຳໃຊ້ຢູ່ ອີຢິບ ແລະ ບັນດາປະເທດ ອາຣັບອື່ນໆ. ສຳລັບບັນດາຂົງເຂດອື່ນຄື ການທ່ອງທ່ຽວ, ລັດຖະບານ ຫວຽດນາມ ໄດ້ໜູນຊ່ວຍບັນດາບໍລິສັດການບິນ, ບໍລິສັດການທ່ອງທ່ຽວ, ໂຮງແຮມ, ຮ້ານອາຫານ ແລະ ເຂດພັກຜ່ອນບຳລຸງສຸຂະພາບ ເພື່ອສະໜອງບັນດາລາຍການທ່ອງທ່ຽວລາຄາຖືກ ແນໃສ່ດຶງດູດແຂກທ່ອງທ່ຽວຢູ່ພາຍໃນ ແລະ ສາກົນພາຍຫລັງໂລກລະບາດໂຄວິດ-19. ນະໂຍບາຍໄລຍະກາງໜຶ່ງອີກທີ່ດຶງດູດຄວາມສົນໃຈ ນັ້ນແມ່ນລະບົບສະໜອງ. ລັດຖະບານ ຫວຽດນາມ ຖືນີ້ແມ່ນໂອກາດໃຫຍ່ ເພື່ອດຶງດູດບັນດາບໍລິສັດລົງທຶນ ແນໃສ່ຈຸດປະສົງປ່ຽນແປງລະບົບສະໜອງ ແລະ ເອົາໃຈໃສ່ເປັນພິເສດເຖິງການດຶງດູດການລົງທຶນໂດຍກົງຈາກຕ່າງປະເທດຄືໃຫ້ບຸລິມະສິດດ້ານພາສີອາກອນ, ໜູນຊ່ວຍການບຳລຸງສ້າງແຫຼ່ງຊັບພະຍາກອນມະນຸດທ້ອງຖິ່ນ ແລະ ນຳໃຊ້ຜະລິດຕະພັນຂອງນັກລົງທຶນໃນບັນດາໂຄງການທ້ອງຖິ່ນ. ນັ້ນແມ່ນບັນດານະໂຍບາຍເພື່ອຍາດແຍ່ງໂອກາດຂອງ ຫວຽດນາມ ເຊິ່ງຫລາຍປະເທດອາຣັບ ສາມາດໝູນໃຊ້ເຂົ້າປະເທດຂອງຕົນ.
(ແຫຼ່ງຄັດຈາກ VOV)

ສານ​ຂອງ ສ​ປ​ຊ ເປີດ​ວາ​ລະພິພາກ​ສາ​ ກ່ຽວ​ກັບ​ບັນ​ດາ​ການ​ເຄື່ອນ​ໄຫວ​ຂອງ ອິດ​ສະ​ລາ​ແອັນ ຢູ່​ເຂດ​ດິນ​ແດນ ປາ​ແລັດ​ສະ​ຕິນ

ສານ​ຂອງ ສ​ປ​ຊ ເປີດ​ວາ​ລະພິພາກ​ສາ​ ກ່ຽວ​ກັບ​ບັນ​ດາ​ການ​ເຄື່ອນ​ໄຫວ​ຂອງ ອິດ​ສະ​ລາ​ແອັນ ຢູ່​ເຂດ​ດິນ​ແດນ ປາ​ແລັດ​ສະ​ຕິນ

ໃນວາລະພິພາກສາ ທີ່ແກ່ຍາວຮອດວັນທີ 26 ກຸມພາ, ບັນດາ ຜູ້ພິພາກສາ ຈະຕີລາຄາຜົນຕາມມາທາງດ້ານນິຕິກຳ ໂດຍບັນດາການເຄື່ອນໄຫວຢຶດຄອງຂອງ ອິດສະລາແອັນ ທີ່ກໍ່ຂຶ້ນນັບແຕ່ປີ 1967.

Top