ຕາມນັ້ນແລ້ວ, ວົງເງິນສົ່ງອອກນຳເຂົ້າຂອງນະຄອນຫຼວງມົດສະກູ ກັບບັນດາທ້ອງຖິ່ນ ຫວຽດນາມ ບັນລຸ 3,9 ຕື້ USD ບັນລຸລະດັບການເຕີບໂຕ 36% ເມື່ອທຽບໃສ່ກັບປີ 2020.
ປະຕູຖານຂໍ້ມູນເອເລັກໂຕນິກມົດສະກູ ຍັງໄດ້ຄັດສະເໜີຄຳເຫັນຂອງນັກຊ່ຽວຊານສູນ Mosprom ຂຶ້ນກັບພະແນກລົງທຶນ ແລະ ນະໂຍບາຍອຸດສາຫະກຳ ມົດສະກູ ຄາດວ່າ ໃນ 5 ປີຈະມາເຖິງ, ຫວຽດນາມ ຈະແມ່ນໜຶ່ງໃນບັນດາການຕະຫຼາດພັດທະນາທີ່ຂະຫຍັນຂັນເຄື່ອນທີ່ສຸດຢູ່ພາກພື້ນ ອາຊີ - ປາຊີຟິກ. ບັນດານັກຊ່ຽວຊານຂອງ Mosprom ໄດ້ຕີລາຄາກ່ຽວກັບການລົງນາມສັນຍາການຄ້າເສລີ (FTA) ລະຫວ່າງ ຫວຽດນາມ ແລະ ສະຫະພາບເສດຖະກິດ ອາຊີ - ເອີລົບ (EAEU) ໄດ້ສ້າງເງື່ອນໄຂສະດວກໃຫ້ແກ່ພາລະກິດແຫ່ງການຊຸກຍູ້ການພົວພັນການຄ້າລະຫວ່າງ ລັດເຊຍ ແລະ ຫວຽດນາມ, ຫັນບັນດາຂົງເຂດຮ່ວມມືຄື ການຄ້າເອເລັກໂຕນິກ, ການຈັດຊື້ຂອງລັດ, ປົກປ້ອງການແກ້ງແຍ່ງ ແລະ ຊັບສິນທາງປັນຍາຂອງນັກຜະລິດສົ່ງອອກເປັນລະອຽດ.
ກ່ອນໜ້ານັ້ນ, ສຳນັກຂ່າວສານ Interfax ໄດ້ລົງຂ່າວວ່າ ໃນການພົບປະກັບທ່ານ ດັ້ງມິງຄອຍ ເອກອັກຄະລັດຖະທູດ ຫວຽດນາມ ປະຈຳ ສະຫະພັນລັດເຊຍ, ທ່ານ Anton Kobyakov ທີ່ປຶກສາຂອງປະທານາທິບໍດີ ສະຫະພັນລັດເຊຍ ເຊື່ອໝັ້ນວ່າ ການຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງສອງປະເທດ ມີຄວາມສາມາດບົ່ມຊ້ອນໃນການເຕີບໂຕຫຼາຍຢ່າງ.
